రాష్ట్రీయం
ఇక లోకల్ నెట్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 5: భవిష్యత్‌లో అన్ని భారతీయ భాషల్లో ఇంటర్‌నెట్ అందుబాటులోకి రానుందని కేంద్ర కమ్యూకేషన్లు, న్యాయ శాఖా మంత్రి రవిశంకర్ ప్రసాద్ పేర్కొన్నారు. హైదరాబాద్‌లోని హైటెక్స్ నోవాటెల్‌లో జరుగుతున్న ఐకాన్ 57వ విశ్వ సదస్సు ప్రారంభ కార్యక్రమంలో పాల్గొన్న రవిశంకర్ మాట్లాడుతూ రానున్న రోజుల్లో ఇంటర్ నెట్ భాష ఇంగ్లీషుకు మాత్రమే పరిమితం కాబోదన్నారు. భవిష్యత్‌లో మరింత చౌకగా అందరికీ ఇంటర్‌నెట్ అందించాల్సి ఉందని, ఈ విషయంలో ఐకాన్ మరింత చొరవ తీసుకుంటుందనే ఆశాభావాన్ని వ్యక్తం చేశారు. ప్రపంచానికి పెనుముప్పుగా సైబర్ దాడులు మారనున్నాయని, అదొక రక్తం చిందించని యుద్ధమని హెచ్చరించారు. సురక్షితమైన ఇంటర్‌నెట్ సేవలు అందరికీ అందేలా చూడాలని, ఇందుకు బాధ్యులు కృషి చేయాలని సూచించారు. ఇంటర్‌నెట్ సమర్ధ వినియోగంలో సురక్షితం కూడా కీలక అంశం అవుతుందన్నారు. ఇంటర్‌నెట్ అనేది కాల్పానిక ప్రపంచానికి సంబంధించిందని, అయితే కాల్పానిక ప్రపంచంలోని సమస్యలు వాస్తవ ప్రపంచాన్ని ప్రభావితం చేస్తాయని అర్ధం చేసుకోవాలని చెప్పారు. భారతదేశం తీవ్రవాదం, ఉగ్రవాదంతో ఇబ్బంది పడుతోందని, వారు కూడా టెక్నాలజీ వాడుతున్నారని మంత్రి గుర్తు చేశారు. ఈ పరిస్థితులను అధిగమించాలంటే అంతా కలిసి పనిచేయాల్సి ఉంటుందన్నారు. ఒకపక్క స్వేచ్ఛ, వాక్‌స్వాతంత్య్రాన్ని గౌరవించే భారత్‌లో సైబర్ దాడులను సైతం తట్టుకునేలా ఫైర్‌వాల్ నిర్మించుకోవాల్సి ఉందని చెప్పారు. ప్రపంచంలో ఇంటర్‌నెట్ వినియోగంలో రెండోస్థానంలో ఉన్న భారత్‌ను విజ్ఞాన సాంకేతిక సమాజంగా మార్చేందుకు డిజిటల్ ఇండియా ద్వారా కృషి చేయనున్నామని పేర్కొన్నారు.
సమావేశంలో ఐకాన్ అధ్యక్షుడు గోరన్ మార్బే స్వాగతోపన్యాసం చేశారు. రానున్న రోజుల్లో సమాజంతో కలిసి పనిచేస్తామని, మరింత మారుమూల ప్రాంతానికి టెక్నాలజీని తీసుకుపోతామని హామీ ఇచ్చారు. భారత్ 22 భాషల్లో డొమైన్లు ఏర్పాటు చేయడం ద్వారా ప్రపంచంలో అత్యధిక భాషల్లో నెట్ వినియోగదారుల హోదాలో భారత్ అగ్రస్థానానికి చేరుకోనుందన్నారు.
అఫిలియాస్‌కు లీడర్‌షిప్ అవార్డు
దేశంలో ప్రసిద్ధి చెందిన డొమైన్ రిజిస్ట్రీ సంస్థ అఫిలియాస్ ఆసియాన్ లీడర్‌షిప్ అవార్డు దక్కించుకుంది. అవార్డును ఎగ్జిక్యూటివ్ చైర్మన్ జోనాతన్ రాబిన్‌సన్ శనివారం స్వీకరించారు.
డిజిటల్ ఇండియాకు కొత్త రూపం
భారతదేశంలో వేగంగా సమాచార సాంకేతిక పరిజ్ఞానాన్ని వినియోగించుకోవడం ద్వారా సుపరిపాలన, పారదర్శకత, జవాబుదారీతనాన్ని తీసుకురావాలని యోచిస్తున్న కేంద్ర ప్రభుత్వం ఈ సదస్సు ద్వారా ప్రయోజనం పొందాలని చూస్తోంది. ఇంటర్‌నెట్ వ్యవహారాల్లో ఇప్పటికీ బలహీనంగా ఉన్న అంశాలను గుర్తించి వాటిలో ముందంజ వేసేందుకు స్వయంగా ఐటి మంత్రి రవిశంకర్ రంగంలోకి దిగారు. రెండు మూడు రోజుల్లో ఐటి దిగ్గజాలతో అవగాహన ఒప్పందాలను కుదుర్చుకునే ఆలోచనలో కేంద్రం ఉంది.
చిత్రం.. హైదరాబాద్‌లోని హైటెక్స్ నోవాటెల్‌లో జరుగుతున్న ఐకాన్ సదస్సును ప్రారంభించి
మాట్లాడుతున్న కేంద్ర కమ్యూకేషన్లు, న్యాయ శాఖా మంత్రి రవిశంకర్ ప్రసాద్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.