రాష్ట్రీయం
దత్తత గ్రామానికి నేడు సచిన్
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, నవంబర్ 15: రాజ్యసభ సభ్యుడు, మాజీ క్రికెటర్ సచిన్ టెండూల్కర్ తాను దత్తత తీసుకున్న పొట్టిశ్రీరాములు నెల్లూరు జిల్లా పుట్టంరాజుకండ్రిగ గ్రామానికి బుధవారం వస్తున్నారు. 2014లో ప్రధాని నరేంద్రమోదీ పిలుపు మేరకు సచిన్ ఈ గ్రామాన్ని దత్తత తీసుకున్నారు. అప్పటి వరకూ పక్క ప్రాంతాలకు కూడా సరిగా తెలియని ఈ గ్రామం ఒక్కసారిగా దేశవ్యాప్తంగా వార్తల్లోకెక్కింది. 2014 నవంబర్ 16న ఈ గ్రామాన్ని సచిన్ టెండూల్కర్ సందర్శించి అవసరమైన అభివృద్ధి కార్యక్రమాలను పరిశీలించి, వాటిలో కొన్ని కార్యక్రమాలకు శ్రీకారం చుట్టారు. తన ఎంపి నిధుల నుంచి సచిన్ ఈ గ్రామాభివృద్ధికి సుమారు రూ.2.50కోట్లు మంజూరు చేయగా, ప్రభుత్వం మరో రూ.3కోట్లు జతచేసి రూ.5.50కోట్లతో పలు అభివృద్ధి పనులను ఈ గ్రామంలో చేపట్టి పూర్తి చేశారు. గ్రామంలో భూగర్భ డ్రైనేజి, కమ్యూనిటీ భవనం, సిమెంటు రోడ్లు, పక్కా గృహాలు నిర్మించారు. బహిరంగ మలవిసర్జన రహిత గ్రామంగా నిలపడంలో భాగంగా మరుగుదొడ్ల నిర్మాణం గ్రామంలో 80శాతం మేర పూర్తయింది.
గ్రామ సమీపంలో చేపల చెరువును ఏర్పాటు చేసి గ్రామాభివృద్ధికి ఉపయోగపడేలా తీర్చిదిద్దారు.గ్రామంలో 90శాతం వరకూ నిరక్ష్యరాస్యులే. ప్రస్తుతం సచిన్ టెండూల్కర్ తమ గ్రామానికి దైవంతో సమానమని స్థానికులు ప్రశంసిస్తున్నారు. ప్రభుత్వ అభివృద్ధి పనులను ప్రారంభించేందుకు సచిన్ టెండూల్కర్ ఈ గ్రామానికి వస్తుండడంతో జిల్లా యంత్రాంగం అన్ని ఏర్పాట్లు చేసింది. జిల్లా ఎస్పీ విశాల్‌గున్ని తీసుకోవాల్సిన భద్రతా చర్యలపై పోలీస్ సిబ్బందికి తగు ఆదేశాలు జారీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.