రాష్ట్రీయం
త్వరలో పోలవరం కాంక్రీట్ పనులు
S ,7 à 8 RSCA (si SASPAS) et 6 cialis pharmacie cialis rapports de stage.
పోలవరం, నవంబర్ 21: పోలవరం ప్రాజెక్టుకు సంబంధించిన కాంక్రీటు పనులు డిసెంబర్ 10వ తేదీ నుండి ప్రారంభమవుతాయని ముఖ్యమంత్రి చంద్రబాబునాయుడు తెలిపారు. ప్రతి నెలా మూడో సోమవారం పోలవరం పనుల పరిశీలనలో భాగంగా సోమవారం ఆయన పశ్చిమ గోదావరి జిల్లాలోని పోలవరం ప్రాజెక్టు పనులు పరిశీలించారు. ఈసందర్భంగా ఆయన విలేఖర్లతో మాట్లాడారు.
దేశంలో ఇప్పటివరకు ఇంత భారీ ప్రాజెక్టు రాలేదని, భవిష్యత్తులో కూడ రాదన్నారు. గత రెండున్నరేళ్లలో రాష్ట్ర ప్రభుత్వం రూ.19 వేల కోట్లు ప్రాజెక్టు కోసం ఖర్చుచేసిందన్నారు. నిర్మాణ పనుల్లో భాగంగా గత వారం 12.15 లక్షల క్యూబిక్ మీటర్ల మట్టితీశారని, వచ్చే నెల నుండి నెలకు 50 నుండి 70 లక్షల క్యూబిక్ మీటర్ల మట్టి తీయాలని లక్ష్యంగా నిర్ణయించామన్నారు. స్పిల్‌వేలో 21 గేట్ల ద్వారా రోజుకు యాభై లక్షల క్యూసెక్కుల నీరు విడుదలవుతుందన్నారు.
స్పిల్‌వే డిజైన్ నవంబర్ 29న అప్రూవ్ అయ్యే అవకాశం ఉందన్నారు. ప్రాజెక్టు నిర్మాణానికి అత్యంత నాణ్యమైన విశాఖ స్టీలు, సిమెంటు వినియోగిస్తామన్నారు. ప్రాజెక్టు నిర్మాణ సామాగ్రి రవాణాకు రూ.518 కోట్ల వ్యయంతో రోడ్లు నిర్మిస్తామని, ఇందుకుసంబంధించి టెండర్ల ప్రక్రియ వేగవంతంచేయాలని అధికారులను ఆదేశించామన్నారు. ప్రాజెక్టుకు సంబంధించి ఇంకా 40వేల ఎకరాల భూమి సేకరించాల్సి ఉందన్నారు. పట్టిసీమ ఎత్తిపోతల ద్వారా ఇప్పటివరకు 46.74 టిఎంసిల నీటిని కృష్ణాకు తరలించామని, ఈ ఎత్తిపోతల లేకపోతే కృష్ణాడెల్టాలో పంటలు పండేవి కావన్నారు.
పట్టసీమ వల్ల శ్రీశైలం నుండి రాయలసీమకు ఎప్పుడూ తీసుకెళ్లని నీటిని తీసుకెళ్లామన్నారు. ప్రాజెక్టుల నిర్మాణాలు అడ్డుకోవడానికి ప్రతిపక్షాలు ప్రయత్నిస్తున్నాయని, అందరూ సహకరిస్తే త్వరితగతిన పోలవరం ప్రాజెక్టు నిర్మిస్తామన్నారు. పాపికొండలు ప్రాంతాన్ని దేశంలోనే అద్భుతమైన పర్యాటక ప్రాంతంగా రూపొందిస్తామని, ఇందుకు సీనియర్ అధికారి నేతృత్వంలో కమిటీ ఏర్పాటుచేస్తామని సిఎం చంద్రబాబు నాయుడు పేర్కొన్నారు. ప్రాజెక్టు నిర్మాణ ప్రాంతంలో భద్రత కట్టుదిట్టం చేసేందుకు డిఎస్పీ ర్యాంకు అధికారిని నియమించామని, అలాగే ప్రాజెక్టు నిర్మాణ ప్రగతిని ఎప్పటికప్పుడు ప్రజలు తెలుసుకునేందుకు పౌర సంబంధాల అధికారిని నియమిస్తామన్నారు. పురుషోత్తపట్నంవద్ద నిర్మిస్తున్న ఎత్తిపోతల పథకాన్ని తొమ్మిది నెలల్లో పూర్తిచేస్తామన్నారు. ముం దుగా పంటలు వేసుకుంటే మూడోసారి ఆరుతడి పంటలు సాగుచేసుకోవడానికి అవకాశం ఉందన్నారు. ఆలాగే పశ్చిమగోదావరి జిల్లాలో ఫైబర్ గ్రిడ్‌ను ప్రారంభిస్తామన్నారు.
చిత్రం.. పోలవరం ప్రాజెక్టు నిర్మాణ పనులను మ్యాప్ ద్వారా
ఏపి ముఖ్యమంత్రి చంద్రబాబుకు వివరిస్తున్న అధికారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.