రాష్ట్రీయం
నేడే మోదీ రాక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 24: రాష్ట్రాలు, కేంద్రపాలిత ప్రాంతాలకు చెందిన డైరెక్టర్ జనరల్ ఆఫ్ పోలీస్, ఇన్‌స్పెక్టర్ జనరల్ ఆఫ్ పోలీస్, కేంద్రీయ పోలీస్ సంస్థల అధిపతుల 51వ వార్షిక సమావేశం శుక్రవారం ప్రారంభం కానుంది. హైదరాబాద్‌లోని సర్దార్ వల్లభాయ్ పటేల్ జాతీయ పోలీస్ అకాడమిలో మూడు రోజులపాటు జరుగునున్న సమావేశానికి ప్రధాని నరేంద్ర మోదీ, కేంద్ర హోంశాఖ మంత్రి రాజ్‌నాథ్‌సింగ్ హాజరుకానున్నారు. ఈ సమావేశం సందర్భంగా ఇంటెలిజెన్స్ బ్యూరో అధికారులకు రాష్టప్రతి పోలీస్ పథకాలను, పోలీస్ పథకాలను ప్రదానం చేస్తారు. ఈ జాతీయ సదస్సును 2013 వరకు ప్రతి యేటా ఢిల్లీలో నిర్వహిస్తూ వచ్చారు. 2014 నవంబర్‌లో అస్సాంలోని గౌహతిలో జరుగగా, గత ఏడాది గుజరాత్‌లోని రణ్ ఆఫ్ కచ్‌లో జరిగింది. ఈ యేడాది హైదరాబాద్‌లోని శివరాంపల్లిలో గల సర్దార్ వల్లభ్‌భాయ్ పటేల్ జాతీయ పోలీస్ అకాడమిలో నిర్వహిస్తున్నట్టు కేంద్ర హోంశాఖ తెలిపింది. మూడు రోజుల పాటు జరిగే ఈ సదస్సులో ఉగ్రవాదం, తీవ్రవాదం, నకిలీ కరెన్సీ చలామణి, వ్యవస్ధీకృత నేరాల నియంత్రణ, అంతరాష్ట్ర నేరగాళ్ల పట్టివేత, సైబర్ నేరాలు, ఇంటర్‌పోల్ ద్వారా విదేశాల్లో నక్కిన నేరగాళ్లను తీసుకురావడం, ఆర్ధిక నేరాల నియంత్రణ తదితర 17 అంశాలపై చర్చిస్తారు. ప్రధాని మోదీ శుక్రవారం సాయంత్రం ఢిల్లీ నుంచి ప్రత్యేక విమానంలో శంషాబాద్ విమానాశ్రయానికి వస్తారు. అక్కడి నుంచి హెలికాప్టర్‌లో నేషనల్ పోలీసు అకాడమికి చేరుకుని అక్కడే బస చేస్తారు. శనివారం ఆయన ఉదయం నుంచి సాయంత్రం వరకు డిజిపిలతో చర్చిస్తారు. శనివారం సాయంత్రం ప్రత్యేక విమానంలో ఇక్కడి నుంచి ఢిల్లీ వెళ్తారు.
ప్రధాని నరేంద్ర మోదీ, హోంశాఖ మంత్రి రాజ్‌నాథ్ సింగ్ పోలీస్ అధిపతుల జాతీయ స్థాయి సమావేశంలో పాల్గొనేందుకు వస్తున్న సందర్భంగా హైదరాబాద్‌లో పోలీసులు భారీ బందోబస్తు ఏర్పాటు చేశారు. శంషాబాద్ విమానాశ్రయం నుంచి శివరాంపల్లిలోని నేషనల్ పోలీస్ అకాడమీ వరకు ట్రాఫిక్ ఆంక్షలు విధించారు. పోలీస్ అకాడమి పరిసరాల్లో 144వ సెక్షన్ విధించారు. మూడు రోజులపాటు జరుగునున్న జాతీయ సదస్సుకు భద్రత కట్టుదిట్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.