రాష్ట్రీయం
పూర్తికాని టెన్త్ సిలబస్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 1: పదో తరగతి పరీక్షల షెడ్యూలు ఖరారైనా, హాల్‌టిక్కెట్లు సిద్ధం అవుతున్నా, తెలంగాణలోని స్కూళ్లలో పదో తరగతి పరీక్షల సిలబస్ పూర్తికాలేదు. నూరు శాతం సిలబస్ ఫిబ్రవరి మొదటి వారానికి పూర్తి కావల్సి ఉండగా, డిసెంబర్ మొదటి వారానికి కనీసం 80 శాతం సిలబస్ పూర్తికావాల్సి ఉంది. కాని కనీసం 50 నుండి 60 శాతం సిలబస్ కూడా పూర్తికాలేదు. దాంతో ప్రశ్నాపత్రాల్లో చాయిస్‌ను దృష్టిలో ఉంచుకుని పైపైన కొన్ని పాఠాలను పూర్తి చేసి సిలబస్ పూర్తి చేశామని మమ అనిపించాలని టీచర్లు చూస్తున్నట్టు ఫిర్యాదులు వస్తున్నాయి. నిరంతర సమగ్ర మూల్యాంకన విధానంపై రెండేళ్లు గడుస్తున్నా టీచర్లకు సైతం సమగ్ర అవగాహన లేకపోగా, విద్యార్థుల్లో కూడా గందరగోళం పోలేదు. యూనిట్ టెస్టులకు బదులు ఫార్మేటివ్ అసెస్‌మెంట్, క్వార్టర్లీ, హాఫ్‌ఇయర్లీ, మెయిన్ పరీక్షలకు బదులు సమ్మిటివ్ అసెస్‌మెంట్ నిర్వహిస్తున్నారు. నాలుగు ఫార్మెటివ్ అసెస్‌మెంట్లు, మూడు సమ్మిటివ్ అసెస్‌మెంట్లు నిర్వహించాల్సి ఉండగా, అందులో ఈసారి సమ్మిటివ్ అసెస్‌మెంట్లు కుదించారు. 9వ తరగతి వరకూ సాధారణంగా పరీక్షలు రాసిన విద్యార్థులకు అకస్మాత్తుగా పదో తరగతిలో సిసిఇ పద్ధతి పేరుతో ఈ కొత్త విధానం అమలుచేయడంతో విద్యార్థులు గందరగోళానికి గురవుతున్నారు. మరో పక్క టీచర్లకు సైతం ఇదో పెద్ద పనిభారంగా తయారైపోయింది. నిర్మాణాత్మక మూల్యాంకనం ప్రతి సబ్జెక్టులో 50 మార్కులకు నిర్వహించి, నాలుగు మార్లు అన్ని సబ్జెక్టుల్లో 200 మార్కులకు లెక్కకట్టి అనంతరం వాటిని ప్రతి సబ్జెక్టులో రెండున్నర మార్కులకు గణించాల్సి ఉంటుంది. అంటే ప్రతి సబ్జెక్టులో ప్రయోగశాల పనులకు నాలుగు పరీక్షల్లో 200 మార్కులకు సాధించిన మార్కులను తీసుకుని వాటిని రెండున్నర మార్కులకు పాయింట్ల పట్టికలో గణించాలి. అలాగే రాత అంశాలకు, ప్రాజెక్టు పనులకు, లఘుపరీక్షలకు మార్కులు కేటాయించాల్సి వస్తుంది. విద్యార్థులకు విషయ అవగాహన, ప్రశ్నలు అడగడం, పరికల్పనలు చెయ్యడం, అర్థం చేసుకోవడం, ప్రయోగాలు, క్షేత్ర పరిశీలనలు, సమాచార నైపుణ్యాలు, బొమ్మలు, భావప్రసారం, ప్రతిస్పందన, ప్రశంస, నిజజీవితంలో వినియోగం, సున్నితత్వం తదితర అంశాలను పరిగణించాల్సి ఉం టుంది. వాస్తవానికి తరగతి గదిలో ఈ ప్రక్రియలు పూర్తికాకుండానే ఫార్మేటివ్ పరీక్షలు ముగిసి సమ్మిటివ్ పరీక్షలకు సిద్ధం అవుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.