రాష్ట్రీయం
హిందువులకు ‘దివ్య దర్శనం’
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, డిసెంబర్ 2: రాష్ట్ర ప్రభుత్వం నిరుపేదలకు తీర్థయాత్రలకు వెళ్లే అవకాశం కల్పించనుంది. ఎప్పుడూ తీర్థయాత్రలు చేయని నిరుపేద హిందువుల కోసం ‘దివ్యదర్శనం’ అనే కార్యక్రమాన్ని జనవరి 2 నుంచి అమలు చేయనుంది. ఇప్పటివరకు మక్కా వెళ్లేందుకు ముస్లింలకు, జెరూసలెం వెళ్లేందుకు క్రైస్తవులకు ప్రభుత్వం సహకారం అందిస్తున్న సంగతి తెలిసిందే. దివ్యదర్శనం కార్యక్రమంతో బడుగు, బలహీన వర్గాలకు తీర్థయాత్రల భాగ్యాన్ని కలిగిస్తోంది.
దేవాదాయ శాఖ ప్రారంభిస్తున్న ఈ తీర్థయాత్రలకు వెళ్లదలచిన వారు ఆన్‌లైన్లో దరఖాస్తు చేసుకునే సౌకర్యాన్ని ప్రభుత్వం కల్పిస్తోంది. ఆసక్తిగలవారు www.apendowments.gov.in ధ్వారా దరఖాస్తు చేసుకోవచ్చు. లేదా దరఖాస్తును నేరుగా సంబంధిత ఎమ్మార్వో కార్యాలయంలోని డ్రాప్ బాక్స్‌లో వేయవచ్చు. దివ్యదర్శనం కింద అరసవెల్లి, సింహాచలం, అన్నవరం, ద్వారకా తిరుమల, విజయవాడ దుర్గగుడి, అమరావతి, మంగళగిరి, త్రిపురాంతకం, శ్రీశైలం, మహానంది, అహోబిలం, కసాపురం, ఒంటిమిట్ట, జొన్నవాడ, శ్రీకాళహస్తి, తిరుపతి, కాణిపాకం క్షేత్రాల్లోని ఏదేని నాలుగు క్షేత్రాలకు తీసుకువెడతారు. తీర్థయాత్రలకు ఆర్టీసీ బస్ సర్వీసులను దేవాదాయ శాఖ వినియోగిస్తుంది. అయితే తీర్థయాత్రలకు వెళ్లేవారికి ఎవరూ కూడా రూపాయి ఖర్చు పెట్టాల్సిన పని లేకుండా అన్ని ఏర్పాట్లను ప్రభుత్వం చేస్తోంది. ఈ కార్యక్రమాన్ని ప్రారంభించిన తర్వాత ఏటా ఒక్కో జిల్లానుంచి పదివేల మందిని తీర్థయాత్రలకు తీసుకెళ్తారు. వసతి, భోజన సదుపాయాలతో పాటు దర్శనం కలిగించడం, తీర్థప్రసాదాలు అందించే బాధ్యత కూడా ప్రభుత్వమే తీసుకుంటుంది.
ఈ పథకంలో ఎస్సీ, ఎస్టీ, బీసీ వర్గాలకు ప్రాధాన్యత ఇవ్వనున్నారు. ఒక్కో కుటుంబం నుంచి గరిష్టంగా ఐదుగురిని మాత్రమే తీసుకెళ్తారు. ముందుగా అనుకున్న విధంగా ఒక్కో జిల్లానుంచి పదివేల మందిని విడతల వారీగా తీర్థయాత్రలకు తీసుకెళ్లనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.