రాష్ట్రీయం
రాష్ట్రానికే మీరే ఆదర్శం కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
గజ్వేల్, డిసెంబర్ 2: ఎర్రవల్లి, నర్సన్నపేట గ్రామాలు అభివృద్ధిలో రాష్ట్రానికే ఆదర్శంగా నిలవాలని సిఎం కె చంద్రశేఖర్‌రావు ఆకాంక్షించారు. శుక్రవారం సిఎం దత్తత గ్రామాల్లో జరుగుతున్న వివిద అభివృద్ది పనులను అధికారులతో కలిసి పరిశీలించారు. ఈనెల 20లోపు సామూహిక గృహ ప్రవేశాలకు సిద్ధమవుదామని, అప్పటిలోగా పనులు యుద్ధప్రాతిపదికన పూర్తి చేయాలని ఆదేశించారు. ముఖ్యంగా గ్రామాల్లో వైఫై సేవలు, ఇంటింటికి తాగునీరు, విద్యుత్ కనెక్షన్‌లు ఇవ్వాలని, అలాగే అంతర్గత రోడ్లవెంట మొక్కలు నాటాలని, పూలు, నీడనిచ్చే చెట్లకు ప్రాధాన్యత ఇవ్వాలని స్పష్టం చేశారు. అంతేగాకుండా ఎర్రవల్లిలో చేపట్టిన మైసిరెడ్డికుంట మరమ్మతులు త్వరితగతిన పూర్తి చేయాలని, కళ్యాణ మండపం పనులు పూర్తిచేసి అందుబాటులోకి వచ్చేలా దృష్టి సారించాలని ఆదేశించారు. అభివృద్ధి పనులపై అధికారులతోపాటు విడిసీ సభ్యులకూ ఎంతో బాధ్యత ఉందని గుర్తు చేశారు. కార్యక్రమంలో జిల్లా కలెక్టర్ వెంకట్రామ్‌రెడ్డి, స్థానిక సర్పంచ్‌లు బాగ్యబాల్‌రాజ్, బాల్‌రెడ్డి, విడిసి చైర్మెన్‌లు రాంచంద్రం, కిష్టారెడ్డి, పోలీస్ కమిషనర్ శివకుమార్‌లతోపాటు ఆయా శాఖల అధికారులు శ్రీనివాస్‌రావు, మల్లయ్య, పరమేశం, పట్టాబిరామారావు పాల్గొన్నారు.
చిత్రం.. క్షేత్రస్థాయలో చేపట్టిన అభివృద్ధి పనులను ముఖ్యమంత్రికి వివరిస్తున్న కలెక్టర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.