రాష్ట్రీయం
అంకురోత్పత్తిపై 5 నుంచి సదస్సు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 3: విత్తన నమూనా, అంకురోత్పత్తిపై ఐదురోజుల ప్రత్యేక వర్క్‌షాప్ ఈ నెల ఐదున హైదరాబాద్‌లోని పార్క్‌హోటల్‌లో నిర్వహిస్తున్నట్టు వ్యవసాయ శాఖ కార్యదర్శి సి. పార్థసారథి తెలిపారు. శనివారం ఇక్కడ అధికారిక ప్రకటన చేస్తూ, తెలంగాణ విత్తన ధృవీకరణ సంస్థ నేతృత్వంలో అంతర్జాతీయ ప్రమాణాల పరీక్ష అసోసియేషన్ (ఇస్తా) ఈ సదస్సును నిర్వహిస్తున్నట్టు వివరించారు. ఈ వర్క్‌షాప్‌లో విత్తనాల నాణ్యత, ప్రమాణాలు, అంచనావంటి అంశాలపై ఆరుదేశాల నుండి హాజరవుతున్న నిపుణులతో పాటు భారత్‌లోని వివిధ రాష్ట్రాల నుండి మొత్తం 33 మంది నిపుణులు పాల్గొని ఉపన్యాసాలు ఇస్తారని ఆయన వివరించారు. స్కాట్‌లాండ్, సౌతాఫ్రికా, ఇంగ్లాండ్, ఫ్రాన్స్, థాయిలాండ్ తదితర దేశాల నుండి ప్రతినిధులు పాల్గొంటారని వివరించారు. తెలంగాణ రాష్ట్రాన్ని అంతర్జాతీయ విత్తనభాండాగారంగా గుర్తించేందుకు ఈ వర్క్‌షాప్ ఉపయోగపడుతుందన్నారు. అంతర్జాతీయ ప్రమాణాలతో కూడిన విత్తన పరీక్షా లాబోరేటరీని ఏర్పాటు చేస్తున్నామని, ఇందుకోసం ప్రభుత్వం ఆరుకోట్ల రూపాయలు మంజూరు చేసిందన్నారు. రాజేంద్రనగర్‌లోని వ్యవసాయ విశ్వవిద్యాలయంలో ఈ లాబోరేటరీని ఏర్పాటు చేస్తున్నామని, ఇందుకు ‘ఇస్తా’ అక్రిడిటేషన్ లభించిందని వివరించారు. తెలంగాణ విత్తన ధృవీకరణ సంస్థను రెఫరల్ డెసిగ్నేటెడ్ అథారిటీగా నియమించారని వివరించారు. తెలంగాణ విత్తన ధృవీకరణ సంస్థ సంచాలకులు కె. కేశవులు ఇస్తా ఎగ్జిక్యూటివ్ కమిటీ సభ్యుడిగా ఎంపిక కావడం సంతోషకరమని పార్థసారథి పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.