రాష్ట్రీయం
ముహూర్తం ఖరారు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 4: తెలంగాణ అసెంబ్లీ సమావేశాలకు ఎట్టకేలకు ముహూర్తం ఖరారైంది. జిఎస్‌టి బిల్లు ఆమోదం కోసం ఒకే ఒక్కరోజు సమావేశమైన అసెంబ్లీ ఆ తరువాత వర్షాకాల సమావేశాలు నిర్వహిస్తామని పలుమార్లు చెప్పినా కార్యాచరణలోకి రాలేదు. మొత్తం మీద డిసెంబర్ మూడో వారంలో సమావేశాలను నిర్వహించనున్నట్లు ముఖ్యమంత్రి
కె.చంద్రశేఖర్ రావు ఆదివారం ప్రకటించారు. అసెంబ్లీ సమావేశాలకు ముందుగా డిసెంబర్ 14న జిల్లా కలెక్టర్ల కాన్ఫరెన్స్ నిర్వహిస్తామన్నారు. ఆ తరువాత అసెంబ్లీ సమావేశాలు జరుగుతాయి. అసెంబ్లీ సమావేశాలకు సంబంధించి ఒకటి రెండు రోజుల్లో షెడ్యూల్ ఖరారు కానుంది. అసెంబ్లీ కార్యదర్శి రాజాసదారాం ముఖ్యమంత్రి, అసెంబ్లీ వ్యవహారాల శాఖ మంత్రితో సమావేశాలు నిర్వహించాల్సిన రోజులు, అజెండాపై చర్చించారు. ప్రధానంగా రెండున్నర ఏళ్ల పాలనలో జరిగిన అభివృద్ధిపై అసెంబ్లీ సమావేశాల్లో చర్చించాలని ముఖ్యమంత్రి భావిస్తున్నారు. తెలంగాణ ఆవిర్భావ సమయంలో రాష్ట్రంలో పరిస్థితి, రెండున్నర ఏళ్లకాలంలో టిఆర్‌ఎస్ ప్రభుత్వం సాధించిన అభివృద్ధిని కెసిఆర్ సభలో వివరించనున్నారు. విపక్షాలు సైతం రెండున్నర ఏళ్ల కాలంలో ప్రభుత్వం హామీలు నెరవేర్చలేదని సభలో నిలదీయాలని ఇప్పటికే నిర్ణయించాయి. డబుల్ బెడ్‌రూమ్ ఇళ్ల నిర్మాణం, మూడు ఎకరాల భూమి పంపిణీ, కేజీ నుంచి పిజి వరకు ఉచిత విద్య, ముస్లిం, గిరిజన రిజర్వేషన్ల అంశాలను ప్రధానంగా ప్రస్తావించాలని విపక్షాలు భావిస్తున్నాయి. ఎన్నికల ప్రణాళికలో చెప్పిన హామీలు అన్నీ అమలు చేశామని, చెప్పనివి కూడా అమలు చేస్తున్నట్టు అధికార పక్షం చెబుతోంది. అసెంబ్లీలో ఇదే విషయాన్ని గణాంకాలతో పాటు వివరించేందుకు సిద్ధంగా ఉన్నట్టు టిఆర్‌ఎస్ నేతలు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.