రాష్ట్రీయం
అమెరికా అమ్మ ఒడికి..
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్, డిసెంబర్ 9: కంటేనే అమ్మ అని అంటే ఎలా.. కరుణించే ప్రతి దేవత అమ్మే కదా అంటాడో సినీ కవి. ఆ మాటను ఓ విదేశీ అమ్మ నిజం చేస్తోంది. పేగు తెంచుకుని బిడ్డకు జన్మనిచ్చిన మాతృమూర్తి ఏ కారణం చేతనో పసిగుడ్డును కుప్పతొట్లో వదిలేస్తే, మాతృదేశానికి ఏమాత్రం సంబంధంలేని మహాతల్లి మాత్రం ఆ బిడ్డను భుజానికెత్తుకుంది. అనాధ అన్న ముద్రపడకముందే అక్కున చేర్చుకోవాలని ఐదు రోజులుగా తపన పడుతోంది. నాలుగు నెలల కిందట ఆదిలాబాద్ జిల్లా నేరడిగొండ మండలం టోల్‌ప్లాజా సమీపంలో రోజులునిండని పసిగుడ్డు కుప్పతొట్లో కనిపించింది. సమాచారం అందుకున్న ఆదిలాబాద్ పిల్లల సంరక్షణ కేంద్రం సిబ్బంది, అధికారులు ఆ బిడ్డను చేరదీశారు. శిశువిహార్ కేంద్రానికి చేర్చి నాలుగు నెలలుగా ఆలన పాలన చూస్తున్నారు. ప్రాణాంతక వ్యాధితో బాధ పడుతున్న పసి ప్రాణి కథ వెబ్‌సైట్ ద్వారా తెలుసుకున్న అమెరికాలోని ఓ ప్రయివేట్ దత్తత సంస్థ చలించిపోయింది. ఆ దేశానికి చెందిన కెరోల్లాయ్ సి బల్గర్ అనే మహిళకు సమాచారం అందించింది. భారతదేశంపై ఎనలేని అభిమానం కలిగిన కెరోల్లాయ్ తక్షణం కదిలింది. రోజుల వయసున్న చిన్నారిని దత్తత తీసుకొని, నిండు జీవితం అందించాలన్న సంకల్పంతో అమెరికా నుంచి ఆదిలాబాద్‌కు చేరుకుంది. గత 5న తన తల్లితో కలిసి వచ్చిన కెరోల్లాయ్, పసిగుడ్డును తన కుటుంబంలోకి ఆహ్వానించేందుకు తహతహలాడుతోంది. ప్రభుత్వ నియమ నిబంధనలకు లోబడే బాలికా సంక్షరణ బాధ్యత భుజానికెత్తుకుంటానని ప్రయత్నాలు చేస్తోంది. ప్రాణాంతక వ్యాధితో బాధ పడుతున్న బాలికకు ఆరోగ్య సమస్య తలెత్తకుండా జాగ్రత్తలు తీసుకుంటానని కూడా చెబుతోంది. కరుణించే ప్రతి దేవత అమ్మే కదా.. అన్న స్ఫూర్తిని కలిగిస్తూ గత ఐదు రోజులుగా ఎంతో మురిపెంతో చిన్నారిని సాకుతున్న కెరోల్లాయ్‌ని చూసి స్థానికులు మురిసిపోతున్నారు. ప్రభుత్వ లాంఛనాలు పూరె్తైన వెంటనే చిన్నారిని తనవెంట అమెరికాకు తీసుకువెళ్తానని ఆనందంగా చెబుతున్న కెరోల్లాయ్ అభినందనీయురాలే.
చిత్రం..శిశువిహార్ లో చిన్నారిని భుజానికెత్తుకుని మురిసిపోతున్న కెరోల్లాయ్ సి బల్గర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.