రాష్ట్రీయం
కళంకిత సొమ్ము రూ.100 కోట్లుపైనే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 10: తెలుగు రాష్ట్రాల్లో లంచగొండులు, అక్రమార్జనకు పాల్పడిన అధికారుల నుంచి అవినీతి నిరోధక శాఖ (ఎసిబి) స్వాధీనం చేసుకున్న పెద్ద నోట్లు రూ.100 కోట్లకుపైగా ఉన్నాయి. ఈ సొమ్మునంతా ఈ నెల 30వ తేదీలోగా బ్యాంకుల్లో డిపాజిట్ చేయాల్సి ఉండటంతో సాధ్యమైనంత త్వరగా ఆ పని పూర్తి చేసేందుకు ఎసిబి అధికారులు కసరత్తు ప్రారంభించారు. ప్రస్తుతం వీరు హైకోర్టు అనుమతి కోసం ఎదురుచూస్తున్నారు. కోర్టు అనుమతించిన వెంటనే ఈ సొమ్మును బ్యాంకుల్లో డిపాజిట్ చేస్తామని ఏసిబి వర్గాలు తెలిపాయి. దేశ వ్యాప్తంగా సంచలనం సృష్టించిన ‘ఓటుకు నోటు’ కేసుతో పాటు బెయిల్ కోసం న్యాయాధికారులకు లంచం ఇవ్వజూపిన గాలి జనార్దన్ రెడ్డి కేసులో ఎసిబి అధికారులు స్వాధీనం చేసుకున్న పెద్ద మొత్తాలను ఇప్పటికే బ్యాంకులో డిపాజిట్ చేసినట్లు సమాచారం.
సాధారణంగా ఒక వ్యక్తి ఫిర్యాదు చేసిన వెంటనే ఏసిబి అధికారులు లంచం స్వీకరించేందుకు సిద్ధంగా ఉన్న అధికారిని వలపన్ని పట్టుకుంటారు. అలాగే అవినీతిపరుల ఇళ్లు, కార్యాలయాలపై దాడులు నిర్వహించి ఆదాయానికి మించిన ఆస్తులను స్వాధీనం చేసుకుంటారు.
దీనినే కళంకిత సొమ్ము అంటారు. రసాయనిక పరీక్షకు పంపే ఈ నగదును న్యాయస్థాన అనుమతితో కోర్టు రూముల్లో పోలీసు భద్రత మధ్య ఉంచుతారు. నేర నిర్ధారణ కోసం మెటీరియల్ సాక్ష్యంగా ఉపయోగించే ఈ సొమ్మును కోర్టు ఎదుట ప్రదర్శిస్తారు. ఈ నగదును బ్యాంకుల్లో డిపాజిట్ చేస్తే సాక్ష్యం తారుమారవుతుందేమోననన్న ఆందోళన అక్కర్లేదని ఎసిబి వర్గాలు అంటున్నాయి. కొన్ని కేసుల్లో ఇటువంటి నగదు ఎన్నో ఏళ్ల తరబడి కోర్టు రూముల్లో మగ్గుతూ ఉంటుంది. సాక్ష్యాలు తారుమారుకాకుండా ఉండేందుకు ఈ నగదును ఫోటో కాపీ చేయడంతో పాటు ల్యాబ్ రిపోర్టులను జతపరిచి సాక్ష్యంగా కోర్టుకు చూపిస్తే సరిపోతుందని ఎసిబి వర్గాలు తెలిపాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.