రాష్ట్రీయం
సీనియర్ జర్నలిస్టు హనుమంతరావు కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 13: తెలుగు జర్నలిజంలో అందెవేసిన కలం అనిపించుకున్న వి హనుమంతరావు (91) మంగళవారం ఉదయం శ్రీనగర్ కాలనీ (హైదరాబాద్)లోని స్వగృహంలో కన్నుమూశారు. ఆయనకు ఇద్దరు కుమారులు, కుమార్తె ఉన్నారు. కుమారుడు సతీష్‌బాబు కూడా జర్నలిస్టుగా పని చేస్తున్నారు. 1925లో జన్మించిన హనుమంతరావు తొలుత ప్రముఖ కమ్యూనిస్టు నాయకుడు పుచ్చలపల్లి సుందరయ్య వద్ద లేఖకుడిగా పనిచేశారు. తర్వాత జర్నలిజంలోకి వచ్చారు. ప్రజాశక్తి, విశాలాంధ్ర, కృష్ణాపత్రిక, ఈనాడు, ఎకనమిక్ టైమ్స్ తదితర దినపత్రికలతో పాటు జాతీయ వార్తా సంస్థ అయిన యునైటెడ్ న్యూస్ ఆఫ్ ఇండియా (యుఎన్‌ఐ) కరస్పాండెంట్‌గా పనిచేశారు. ఎన్ వేణుగోపాల్ నేతృత్వంలో వెలువడుతున్న ‘వీక్షణం’ మాసపత్రికకు ఫౌండర్ ఎడిటర్‌గా పనిచేశారు. విశాలాంధ్ర దినపత్రక తరఫున పార్లమెంట్‌లో తొలిసారి ఆంధ్రప్రదేశ్ తరఫున వార్తలను కవర్ చేసి రికార్డు సృష్టించారు. పాకిస్తాన్- భారత్ మధ్య జరిగిన యుద్ధం సమయంలో ఐఎన్‌ఎస్ విక్రాంత్ నావలో బసచేసి యుద్ధ వార్తలను కవర్ చేశారు. 91 సంవత్సరాల హనుమంతరావు 65 ఏళ్లపాటు జర్నలిస్టుగా పనిచేశారు. జర్నలిజం పాఠశాలను కూడా స్థాపించారు. డేటా న్యూస్ ఫీచర్స్ (డిఎన్‌ఎఫ్) అనే వార్తా సంస్థను స్థాపించారు. కొనే్నళ్లపాటు శ్రమించి ఆంధ్రప్రదేశ్ రాష్ట్రానికి సంబంధించి అన్ని రంగాల వివరాలతో ‘ఇయర్‌బుక్’ను తెచ్చారు. కేవలం జర్నలిస్టుగానే కాకుండా హనుమంతరావు కొన్ని పుస్తకాలు రాశారు. ‘విమర్శ- పరామర్శ’ పేరిట రాసిన ఆత్మకథ 50 ఏళ్ల చరిత్రను మన కళ్లముందు ఆవిష్కరించింది. ఆర్థికాంశాలపై వివిధ పత్రికలకు వేలాది వ్యాసాలు రాశారు.
ఆంధ్ర ప్రాంతం మద్రాస్ రాష్ట్రంలో భాగంగా ఉండగా, ఆంధ్ర ప్రొవిన్షియల్ యూనియన్ ఆఫ్ జర్నలిస్ట్సు స్థాపక సభ్యుడిగా ఉన్నారు. ఏపీ ఏర్పాటు తర్వాత ఏపీ వర్కింగ్ జర్నలిస్టుల యూనియన్ వ్యవస్థాపక సభ్యుడిగా ఉన్నారు. ఎపియుడబ్యుజె జనరల్ సెక్రటరీగా పనిచేసిన హనుమంతరావు జర్నలిస్టుల యూనియన్‌తో చివరివరకు సత్సంబంధాలు కలిగి ఉన్నారు.
హనుమంతరావు మృతిపట్ల తెలంగాణ సిఎం కె చంద్రశేఖరరావు సంతాపం తెలియచేశారు. విహెచ్‌ను ‘ఆదర్శ జర్నలిస్టు’గా అభవర్ణిస్తూ, ఆయన మరణం మీడియా రంగానికి తీరని లోటని నివాళి ప్రకటించారు. ఆంధ్రప్రదేశ్ సిఎం చంద్రబాబు, వైకాపా అధినేత జగన్మోహన్ రెడ్డి విహెచ్ మృతికి సంతాపం తెలిపారు. ఇండియన్ జర్నలిస్టుల యూనియన్ (ఐజెయు) సెక్రటరీ-జనరల్ దేవులపల్లి అమర్, సీనియర్ జర్నలిస్ట్ కె శ్రీనివాస్‌రెడ్డి, తెలంగాణ రాష్ట్ర యూనియన్ ఆఫ్ వర్కింగ్ జర్నలిస్ట్స్ జనరల్ సెక్రటరీ కె విరాహత్ అలీ తదితరులు విహెచ్‌కు నివాళి అర్పిస్తూ సంతాపం వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.