రాష్ట్రీయం
ప్రైవేటు వర్శిటీలు వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 15: తెలంగాణ రాష్ట్రంలో ప్రైవేట్ యూనివర్శిటీలను తీసుకురావద్దని తెలంగాణ సంయుక్త కార్యాచరణ కమిటీ (టిజాక్) డిమాండ్ చేసింది. టిజాక్ చైర్మన్ ప్రొఫెసర్ కోదండరాం, కోఆర్డినేటర్ పిట్టల రవీందర్ గురువారం ఇక్కడ మీడియా ప్రతినిధులతో మాట్లాడుతూ, ప్రైవేట్ యూనివర్శిటీలు వస్తే వాటిల్లో రిజర్వేషన్ సౌకర్యం ఉండదన్నారు. ప్రైవేట్ యూనివర్శిటీలను వ్యతిరేకిస్తూ ఆందోళన చేస్తామని వారు స్పష్టం చేశారు. ప్రస్తుతం ఉన్న యూనివర్శిటీలను బలోపేతం చేయాలని వారు కోరారు. ఈ అంశంపై ఈ నెల 19న అన్ని రాజకీయ పార్టీలతో చర్చించేందుకు రౌండ్‌టేబుల్ సమావేశం ఏర్పాటు చేస్తున్నామని వివరించారు. భూసేకరణకు సంబంధించి పరిశీలించేందుకు పార్లమెంట్ తరహాలో అసెంబ్లీ కమిటీని ఏర్పాటు చేయాలని కోరారు. భూసేకరణ చట్టంపై కూడా రౌండ్ టేబుల్ సమావేశం ఏర్పాటు చేస్తున్నామని వివరించారు. ఈ నెల 24న టిజాక్ ఆవిర్భావ దినోత్సవాన్ని ఘనంగా నిర్వహించాలని నిర్ణయించినట్టు కోదండరాం, రవీందర్ తెలిపారు. ఈ నెల 20 వరకు అన్ని జిల్లాల్లో జాక్ కమిటీలను ఏర్పాటు చేస్తున్నామన్నారు. ఆవిర్భావం రోజు రాష్ట్ర కమిటీ కార్యాలయంతో పాటు జిల్లా కమిటీ కార్యాలయాల ఎదుట జెండా ఆవిష్కరణ ఉంటుందని తెలిపారు. ఈ నెల 25న టిజాక్ విస్తృత సమావేశం ఉంటుందని చెప్పారు. శుక్రవారం నుండి జరిగే అసెంబ్లీ సమావేశాల్లో ప్రజాసమస్యలపై చర్చ అర్థవంతంగా జరగాలని, ప్రజాసమస్యలకే ప్రాధాన్యత ఇవ్వాలని కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.