రాష్ట్రీయం
గవర్నర్ సంతకం ఫోర్జరీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 17: ఆంధ్రప్రదేశ్, తెలంగాణ రాష్ట్రాల్లో రాజ్యసభ సీటు ఇప్పిస్తానంటూ మోసానికి పాల్పడిన ఘరానా మోసగాడిని సిఐడి పోలీసులు అరెస్టు చేశారు. రంగారెడ్డి జిల్లా ఇబ్రహీంపట్నం మండలం పోల్కంపల్లికి చెందిన మారంరాజు రాఘవరావు (62) సికింద్రాబాద్‌లోని సైనిక్‌పురి, భాస్కరరావునగర్‌లో నివాసం ఉంటున్నాడు. హైదరాబాద్ పరిసరాల పోలీస్ స్టేషన్లలో ఇతనిపై పలు చీటింగ్ కేసులు నమోదైవున్నాయి. తాజాగా ఆంధ్ర, తెలంగాణ రాష్ట్రాల గవర్నర్ నరసింహన్ సంతకాన్ని ఫోర్జరీ చేసి సిఐడి పోలీసులకు చిక్కాడు. గుంటూరుకు చెందిన సహ నిందితుడు మత్తా రఘువంశీని ఆంధ్రప్రదేశ్ రాజ్యసభ సభ్యుడిగా చూపిస్తూ కేంద్ర హోం వ్యవహారాల శాఖ జారీ చేసినట్టుగా డాక్యుమెంట్లు సృష్టించాడు. అదేవిధంగా గవర్నర్ కోటాలో ఎమ్మెల్యే, ఎమ్మెల్సీలుగా కొందరిని రాజ్యసభ సభ్యుడిగా మత్తా రఘువంశీని నామినేట్ చేసినట్టుగా గవర్నర్ ఫోర్జరీ సంతకంతో మూడు డాక్యుమెంట్లు సృష్టించాడు. గవర్నమెంట్ ఆఫ్ ఇండియా పేరుతో జారీ చేయబడిన నామినేటెడ్ పదవులను ఎందుకు అమలుచేయడం లేదంటూ, సదరు ఫోర్జరీ చేసిన డాక్యుమెంట్లను గవర్నర్ నరసింహన్ కార్యాలయానికి శుక్రవారం అందజేశారు. గవర్నర్ జారీ చేసినట్టు అందిన డాక్యుమెంట్లు నకిలీవని, గవర్నర్ సంతకం ఫోర్జరీ జరిగినట్టు అధికారులు గుర్తించి సిఐడికి ఫిర్యాదు చేశారు. ఈ మేరకు కేసును దర్యాప్తు జరిపిన సిఐడి గవర్నర్ సంతకం ఫోర్జరీయేనని, సదరు డాక్యుమెంట్లు నకిలీవని తేల్చేశారు. నిందితుడు మారంరాజు రాఘవరావును సిఐడి అధికారులు శనివారం అరెస్టు చేశారు. అతనినుంచి మూడు సెట్లు డాక్యుమెంట్లను స్వాధీనం చేసుకొని రిమాండ్‌కు తరలించినట్టు తెలంగాణ రాష్ట్ర సిఐడి అధికారులు తెలిపారు. కేసులో ప్రధాన నిందితుడు రఘువంశీ కోసం గాలిస్తున్నామని పోలీసులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.