రాష్ట్రీయం
ఉద్యోగ విప్లవం రావాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయనగరం, డిసెంబర్ 19: రాష్ట్రానికి ప్రత్యేక హోదా వస్తేనే యువతకు ఉపాధి అవకాశాలు లభిస్తాయని వైకాపా అధినేత జగన్మోహన్‌రెడ్డి అన్నారు. ప్రత్యేక హోదా కోసం అందరూ కలసికట్టుగా గళం విప్పాలని పిలుపునిచ్చారు. ప్రత్యేక హోదాతో మరో ఉద్యోగ విప్లవం సాధ్యమవుతుందని అభిప్రాయపడ్డారు. సోమవారం ఇక్కడ నిర్వహించిన యువభేరీలో ఆయన మాట్లాడుతూ రాష్ట్ర విభజన అనంతరం ప్రత్యేక హోదా కావాలని పట్టుబట్టిన ముఖ్యమంత్రి నేడు ప్లేటు ఫిరాయిస్తున్నారని దుయ్యబట్టారు. రాష్ట్రానికి ప్రత్యేక హోదా వస్తేనే పెద్ద ఎత్తున పారిశ్రామిక పెట్టుబడులు వస్తాయని తద్వారా ఉపాధి అవకాశాలు కలుగతాయని అభిప్రాయపడ్డారు. కాగా, చంద్రబాబునాయుడు ఎన్నికల మేనిఫెస్టోలో ఇచ్చిన హామీలన్నింటిని గాలికొదిలేశారని ఎద్దేవా చేశారు. రాష్ట్రానికి ప్రత్యేక హోదా కోసం ప్రధాని మోదీపై వత్తిడి తీసుకురావడంలో చంద్రబాబు విఫలమయ్యారన్నారు. ప్రత్యేక హోదా ఐదేళ్లు ఇస్తామని కేంద్రం పునర్విభజన చట్టం సమయంలో పేర్కొనగా, 15 ఏళ్లు ఉండాలని పట్టుబట్టిన చంద్రబాబునాయుడు తెలంగాణ ఎమ్మెల్సీ ఎన్నికల్లో ఆడియో టేపులతో ఇరుక్కున్న తరువాత మాటలు మార్చారని మండిపడ్డారు.
కాగా చంద్రబాబు ప్రత్యేకహోదా విషయంలో రాజీపడటం, ఫీజు రీయింబర్స్‌మెంట్, నిరుద్యోగ భృతి విషయంలో విద్యార్థులను మోసం చేయడం వంటి విషయాలపై విద్యార్థులు మండిపడ్డారు. బి.టెక్ పూర్తి చేసిన రోహిత్ అనే విద్యార్థి మాట్లాడుతూ అధికారంలోకి వస్తే నెలకు రూ.2వేలు నిరుద్యోగ భృతి ఇస్తానని చంద్రబాబు ఎన్నికల్లో హామీ ఇచ్చారని, అలాచూస్తే ఇప్పటివరకు తనకు రూ.64 వేలు బకాయిపడ్డారని ప్రశ్నించారు. ఈ బకాయిని తాను ఎవరిని అడగాలని ఆయన ఆవేదన వ్యక్తం చేశాడు. మరో విద్యార్థి హిమబిందు మాట్లాడుతూ ముఖ్యమంత్రి విదేశీ పర్యటనల పేరిట వందల కోట్ల రూపాయలు ఖర్చు చేశారని, ఒక్క పరిశ్రమనైనా తీసుకు వచ్చారా? అని ప్రశ్నించారు. దీనికి జగన్ బదులిస్తూ వచ్చిరాని ఇంగ్లీషులో మాట్లాడితే పరిశ్రమలు రావని, ప్రత్యేక హోదాతోనే పరిశ్రమలు వస్తాయని బదులిచ్చారు. ఈ కార్యక్రమంలో ప్రొఫెసర్లు తిమ్మారెడ్డి, ఇస్మాయిల్, సత్యనారాయణ, విప్లవ ప్రసాద్ తదితరులతోపాటు వైకాపా నేతలు పాల్గొన్నారు.
బాధితులకు పరామర్శ
యువభేరి అనంతరం వైకాపా నేత జగన్మోహన్‌రెడ్డి బలిజపేట మండలం చిలకపల్లిలో బాధితులను పరామర్శించారు. ఇటీవల హైదరాబాద్ నానక్‌రాంగుడాలో మృతి చెందిన బాధిత కుటుంబాలను ఆయన ఓదార్చారు.
చిత్రం..యువభేరీలో మాట్లాడుతున్న వైకాపా అధినేత జగన్మోహన్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.