రాష్ట్రీయం
పక్క రాష్ట్రాలతో కలసి పోరాటం
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, డిసెంబర్ 19: పక్క రాష్ట్రాలైన చత్తీస్‌గఢ్, ఒడిశాలతో కలిసి పోలవరం ప్రాజెక్టుకు వ్యతిరేకంగా పోరాటం చేస్తామని మహబూబాబాద్ ఎంపి ప్రొఫెసర్ సీతారామ్ నాయక్ చెప్పారు. సోమవారం ఆయన ఇక్కడ విలేఖర్లతో మాట్లాడుతూ గిరిజనుల హక్కులు, మనోభావాలకు భిన్నంగా ప్రాజెక్టు నిర్మిస్తున్నారని ధ్వజమెత్తారు. భద్రాచలం రామాలయం మునిగిపోతుందని నిపుణులు చెబుతుంటే మునగదంటూ పార్లమెంట్ సాక్షిగా ఒక కేంద్ర మంత్రి అబద్ధాలు చెప్పడం బాధాకరమన్నారు. రాష్ట్రాల మధ్య వివక్ష పనికిరాదని హితవు పలికారు. జాతీయ హోదా ఇచ్చాక పోలవరం ప్రాజెక్టుపై సర్వే చేయాల్సిన బాధ్యత కేంద్రానిదేనని, పాత డిజైన్ కాకుండా 153 అడుగులకు కొత్త డిజైన్‌తో ఎలా కడతారని ప్రశ్నించారు. 2005లో ఇచ్చిన పర్యావరణ అనుమతులు ఇప్పుడు చెల్లవని, తాజాగా ఎలాంటి అనుమతులు లేకుండా ఎలా నిర్మిస్తున్నారని ధ్వజమెత్తారు. పెద్దనోట్ల సమస్యపై పార్లమెంట్ సమావేశాల సమయం వృథా అయ్యిందన్నారు. నల్లధనం కేవలం 12శాతం మంది బడాబాబుల వద్దే ఉంటే 88 శాతం మంది పేదలను ఎందుకు కష్టపెడుతున్నారని సీతారామ్ నాయక్ నిలదీశారు. విలేఖర్ల సమావేశంలో పార్టీ నాయకులు మానె రామకృష్ణ, యశోద నగేశ్, తిప్పన సిద్ధులు, రత్నం రమాకాంత్, మామిడి పుల్లారావు, బషీర్ పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.