రాష్ట్రీయం
త్యాగధనుల బాటలో నడవాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 21: భారతదేశం అభివృద్ధికోసం పాటుపడుతున్న త్యాగధనులను ఆదర్శంగా తీసుకుని వారు చూపిన బాటలో పయనించాలని తెలంగాణ, ఎపి రాష్ట్రాల గవర్నర్ ఇఎస్‌ఎల్ నరసింహన్ పిలుపునిచ్చారు. హైదరాబాద్‌లోని టివోలి గార్డెన్స్‌లో బుధవారం నిర్వహించిన ‘శివానంద ఎమినెంట్ సిటిజన్ అవార్డ్స్-2016’ కార్యక్రమంలో ఆయన ముఖ్య అతిథిగా పాల్గొన్నారు. 23 సంవత్సరాల క్రితం ప్రారంభించిన శివానంద ఎమినెంట్ సిటిజన్ అవార్డులను ఈ సంవత్సరం డాక్టర్ ఇ.శ్రీధరన్ (మెట్రో శ్రీధరన్), డాక్టర్ సి.రంగరాజన్‌లకు అందజేశారు. అవార్డు కింద రూ. లక్ష నగదు, శాలువా, మెమెంటో అందించారు. శ్రీధరన్ స్వయంగా అవార్డు అందుకోగా, రంగరాజన్ తరఫున ఆయన కూతురు రాధ ఈ అవార్డును స్వీకరించారు. అవార్డు అందుకున్న వారిని గవర్నర్ ఈ సందర్భంగా అభినందించారు. భారత్‌కు చెందిన కొంతమంది ప్రముఖులు పశ్చిమ దేశాలవైపు దృష్టి సారించగా, మరికొందరు భారతదేశం అభివృద్ధిలో భాగస్వాములు అవుతున్నారని, అలాంటి వారిలో రంగరాజన్, శ్రీధరన్‌లను ప్రధానంగా పేర్కొనవచ్చన్నారు. ఈ ఇద్దరూ భారతదేశ ఖ్యాతిని ఇనుమడింపచేశారన్నారు. దేశసమగ్రతను కాపాడేందుకు ఉన్నత విలువలతో పనిచేశారన్నారు. రంగరాజన్ ఆర్థిక రంగంలో, శ్రీధరన్ ఇంజనీరింగ్ రంగంలో ఆణిముత్యాలన్నారు. భారతీయ సనాతన సంప్రదాయాలను కాపాడుతూ, దేశాన్ని ముందుకు నడిపేందుకు రంగరాజన్, శ్రీధరన్ తమవంతు కృషి చేశారన్నారు.
అవార్డు స్వీకరించిన శ్రీధరన్ మాట్లాడుతూ శివానంద ఎమినెంట్ సిటిజన్ అవార్డు రావడం ఆనందంగా ఉందని, ఇది తనకు వచ్చిన అవార్డుల్లో 89వదని తెలిపారు. తనకు లభించిన నగదు అవార్డును తన తల్లి పేరిట ఏర్పాటు చేసిన చారిటబుల్ ట్రస్టుకు ఉపయోగిస్తున్నానని తెలిపారు. ఢిల్లీ మెట్రోలో తాను ఉద్యోగం చేసిన సమయంలో లభించిన వేతనంతో పాటు తనకు లభిస్తున్న పింఛనును కూడా ఈ ట్రస్టు ద్వారా పేద పిల్లల చదువుకోసం వాడుతున్నామన్నారు. ప్రతి వ్యక్తి జాతీయ సమగ్రత, సమయపాలన, నైపుణ్యత, సమాజం పట్ల నిబద్ధతతో పనిచేసే అలవాటు చేసుకోవాలని సూచించారు. ఢిల్లీ మెట్రో, కొంకణ్ రైల్వేలను నిర్ణీత సమయంలో, ముందుగా రూపొందించిన బడ్జెట్ అంచనాలకు అనుగుణంగా పూర్తిచేశానని గుర్తుచేశారు. రంగరాజన్ ఆరోగ్యం బాగాలేకపోవడం వల్ల ఆయన తరఫున అవార్డును తాను అందుకున్నానని రంగరాజన్ కూతురు రాధా రంగరాజన్ ఈ సందర్భంగా తెలిపారు. సనాతన ధర్మాన్ని కాపాడుతూ, దేశం కోసం నిబద్ధతతో పనిచేస్తున్న వారికి ఏటా అవార్డులను ఇస్తున్నామని సనాతన ధర్మ చారిటబుల్ ట్రస్టీ ప్రొఫెసర్ రాఘవేంద్ర తెలిపారు. 23 సంవత్సరాల నుండి ఇప్పటి వరకు 117 మందికి ఈ అవార్డులను ఇచ్చామన్నారు. సనాతన ధర్మ చారిటబుల్ ట్రస్ట్‌తో పాటు శివగంగ సంగీత పరిషత్తు, మహాలక్ష్మి టెంపుల్ అండ్ చారిటబుల్ ట్రస్ట్, శివానంద కల్చరల్ ట్రస్ట్ నడుస్తున్నాయని ట్రస్టీ కె.బసవరాజు వివరించారు. శ్రీకృష్ణ జన్మాష్టమి, శ్రీరామనవమి సందర్భంగా కూడా ప్రత్యేక కార్యక్రమాలు నిర్వహించి వివిధ రంగాల్లోని ప్రముఖులను సన్మానిస్తున్నామన్నారు. బెంగళూరులోని కౌన్సిల్ ఆఫ్ ఇండియన్ ఇన్‌స్టిట్యూట్ ఆఫ్ సైన్స్ చైర్మన్ డాక్టర్ పి.రామారావు, ఐఎఎస్ అధికారి ఎల్‌వి సుబ్రహ్మణ్యం తదితరులు కూడా మాట్లాడారు. కుమారి రమ్యశ్రీ, శ్రీమతి తేజస్విని అనంత్ నేతృత్వంలో సంగీత విభావరి జరిగింది.
శివానంద ఎమినెంట్ సిటిజన్ అవార్డును శ్రీధరన్‌కు
ప్రదానం చేస్తున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.