రాష్ట్రీయం
తీరనున్న కరెన్సీ కష్టాలు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 22: డబ్బుల కోసం బ్యాంకుల చుట్టూ ప్రదక్షిణలు, ఎటిఎంల వద్ద పడిగాపులు పడాల్సిన కష్టాలు రెండు మూడు రోజులలో పూర్తిగా తీరిపోనున్నాయి. తెలుగు రాష్ట్రాలకు రెండు వారాలకు విడుదల చేయాల్సిన మొత్తాన్ని ఒకే వారానికి విడుదల చేయడంతో గురువారం నుంచే నోట్ల కష్టాలు తగ్గుముఖం పట్టాయి. పెద్ద నోట్ల రద్దు తర్వాత దేశవ్యాప్తంగా నెలన్నర రోజులుగా బ్యాంకులలో నగదు కొరతతో ప్రతి ఒక్కరూ తీవ్ర ఇబ్బందులను ఎదుర్కొన్న విషయం తెలిసిందే. నోట్ల కష్టాలు ఈ నెలాఖరుతో తీరిపోనున్నాయని ప్రధానమంత్రి నరేంద్ర మోదీ ఇచ్చిన హామీ మేరకు రెండు రోజులుగా పెద్ద మొత్తంలో తెలుగు రాష్ట్రాలకు ఆర్‌బిఐ నోట్లను పంపించింది. దీంతో హైదరాబాద్‌లో నెలన్నరగా మూతపడిన ఎటిఎంలు తెరుచుకున్నాయి. బ్యాంకులలో చాలీచాలనంతగా కాకుండా ఒకేసారి రూ. 20 వేల వరకు చెల్లింపులు జరిగాయి. ఒక్కో అకౌంట్‌పై నాలుగు, ఐదు వేలకంటే మించి ఇవ్వని బ్యాంకులు ఇరవై వేల వరకు ఇవ్వడంతో బ్యాంకుల వద్ద జనం ఒక్కసారిగా తగ్గుముఖం పట్టారు. ఇలా ఉండగా తెలంగాణ రాష్ట్రానికి బుధవారం రూ. 1600 కోట్లు, గురువారం ఆంధ్రప్రదేశ్‌కు రూ. 1500 కోట్లు విడుదల అయినట్టు ఆర్థికశాఖ వర్గాల సమాచారం. సరిపడినన్ని కాకుండా చాలీచాలనన్ని నోట్లను తెలుగు రాష్ట్రాలకు పంపించడంతో ప్రజలు తీవ్రంగా ఇబ్బంది పడుతున్నట్టు ఆందోళనను వ్యక్తం చేస్తూ కేంద్రానికి, ఆర్‌బిఐకి తెలంగాణ, ఆంధ్రప్రదేశ్ ప్రభుత్వాలు తాజాగా లేఖలు రాయడంతో ఈ నెలాఖరు వరకు సరిపడేంత నగదును ఆర్‌బిఐ విడుదల చేసినట్టు అధికార వర్గాల సమాచారం. జనాభాలో, విస్తీర్ణంలో పెద్దదైన ఆంధ్రప్రదేశ్ కంటే తెలంగాణ రాష్ట్రానికే ఇప్పటి వరకు ఎక్కువ నోట్లు రావడం విశేషం. పెద్ద నోట్లు రద్దు తర్వాత (నవంబర్ 8) ఇప్పటి వరకు తెలంగాణ రాష్ట్రానికి రూ.20,704 కోట్లు అందగా, ఆంధ్రప్రదేశ్‌కు రూ.16,240 కోట్లు అందినట్టు అధికారిక లెక్క. తమ రాష్ట్రంలో నోట్ల కష్టాలను తీర్చడానికి ఎక్కువ మొత్తంలో కరెన్సీని విడుదల చేయాలని ఆంధ్రప్రదేశ్ ముఖ్యమంత్రి చంద్రబాబు నాయుడు స్వయంగా అధికారులను ఆర్‌బిఐకి పంపించిన విషయం తెలిసిందే. అయితే తెలంగాణ ముఖ్యమంత్రి కెసిఆర్ మాత్రం బయటికి ఏమాత్రం హడావుడి చేయకుండా ప్రభుత్వ ప్రధాన కార్యదర్శితో ఎప్పటికప్పుడు కేంద్ర ఆర్థిక శాఖ, ఆర్‌బిఐకి వేర్వేరుగా లేఖలు రాయిస్తూ ఒత్తిడి పెంచారు. ఆంధ్రప్రదేశ్‌కంటే తెలంగాణకే ఎక్కువ కరెన్సీ విడుదల కావడానికి ఇదే కారణమని అధికారులు విశే్లషించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.