రాష్ట్రీయం
అందని ద్రాక్షగా ఆరోగ్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 24: ఆరోగ్యం అందని ద్రాక్షగా మారిందని, వైద్య ఆరోగ్య రంగంలో సహకార వ్యవస్థ రావలసిన అవసరం ఉందని భారత రాష్టప్రతి ప్రణబ్ ముఖర్జీ అన్నారు. ఆరోగ్య రక్షణ కేవలం ప్రభుత్వంపైనే వేస్తే సరిపోదని ఆయన చెప్పారు. హైదరాబాద్‌లోని మహిళా దక్షత సమితి స్థాపించిన బన్సీలాల్ మలానీ కాలేజ్ ఆఫ్ నర్సింగ్‌ను ఆయన శనివారం ప్రారంభించారు. ఈ సందర్భంగా ఆయన మాట్లాడుతూ దేశంలో ఆరోగ్య సంబంధిత వౌలిక సదుపాయాల కొరతపై ఆందోళన వ్యక్తం చేశారు. దీనికి ఒకే ఒక దీర్ఘకాలిక పరిష్కారం కనుక్కోవల్సి ఉందని పేర్కొంటూ పౌర సమాజంతో పాటు ప్రభుత్వ, ప్రైవేటు సంబంధీకులు అందరితో కూడిన సహకార వ్యవస్థల నిర్మాణం జరగాలని సూచించారు. నిజానికి ఆరోగ్యం, విద్య, జీవనోపాధి వంటి అభివృద్ధిదాయక లక్ష్యాలను ప్రభుత్వం ఒక్కటే సాధించలేదని, సహకార వ్యవస్థల ఏర్పాటు ద్వారా మాత్రమే ఆ లక్ష్యాలను సాధించగలుగుతామని రాష్టప్రతి చెప్పారు.
మన దేశంలో దాదాపుగా 2.4 మిలియన్‌ల నర్సుల లోటు ఉందని, 2009లో 1.65 మిలియన్ మంది నర్సులు ఉండగా, 2015 నాటికి ఆ సంఖ్య 1.56 మిలియన్‌కు పడిపోయిందని ఆయన అన్నారు. ఇది కలత చెందాల్సిన ధోరణిని సూచిస్తోందని ఆయన చెప్పారు. అదే సమయంలో మన వౌలిక సదుపాయాలను పరిశీలించినా కూడా 5వేల పట్టణాలు, 6.4 లక్షల గ్రామాల్లో 130 కోట్ల మంది ప్రజలు నివసిస్తున్నారని గుర్తుంచుకోవాలని పేర్కొన్నారు. ఇంత మందికి 1.53 లక్షల సబ్ సెంటర్లు, 85వేల ప్రాథమిక ఆరోగ్య కేంద్రాలు, ఇంచుమించు 5వేల కమ్యూనిటీ హెల్త్ సెంటర్లు ఉన్నాయని వివరించారు. ప్రభుత్వం ఒక్కటే కృషి చేసే బదులు స్టేక్ హోల్డర్లు అందరూ ప్రాతినిధ్యం వహించగలిగిన నమూనాల వైపు చూడటం అత్యవసరమని రాష్టప్రతి సూచించారు.
మహిళా సాధికారత దిశగా మహిళా దక్షత సమితి పోషిస్తున్న ప్రముఖ పాత్రను రాష్టప్రతి ప్రశంసించారు. సుమన్ కృష్ణకాంత్, ప్రమీలా దండావతే మరియు గోవా గవర్నర్ మృదుల సిన్హా వంటి సమితి వ్యవస్థాపక సభ్యుల సేవలను రాష్టప్రతి గుర్తుచేశారు. విద్య, ఆర్థిక స్వీయ ఆధీనతలను ప్రోత్సహించడం, వ్యక్తులకు వారి సంపూర్ణ సామర్ధ్యాన్ని ఆవిష్కరించగలిగేటటువంటి అవకాశాలను కల్పించడం ద్వారా మాత్రమే మహిళల సిసలైన సాధికారత సాధ్యపడుతుందని ఆయన చెప్పారు. భారతదేశంలో మొత్తం మీద సగటు అక్షరాస్యత 74 శాతం ఉండగా , మహిళలకు సంబంధించినంత వరకూ అక్షరాస్యత 65 శాతం కన్నా తక్కువగా ఉండటం దురదృష్టకరమేనని అన్నారు. మహిళల సాధికారతను కట్టబెట్టని సమాజం పరాజిత సమాజంగా మిగులుతుందని ఆయన స్పష్టం చేస్తూ, మహిళలకు సాధికారత దిశగా చేసే ప్రయత్నాలను పెంచాలని పిలుపునిచ్చారు. ఈ కార్యక్రమంలో రాష్టగ్రవర్నర్ ఇఎస్‌ఎల్ నరసింహన్, కేంద్ర కార్మిక మంత్రి బండారు దత్తాత్రేయ , ఉప ముఖ్యమంత్రి మహ్మద్ అలి, ఎంపి కె విశే్వశ్వరరెడ్డి, ఎగ్జిక్యూటివ్ సభ్యురాలు షీతల్ నాయుడు తదితరులు పాల్గొన్నారు.
చిత్రం.. హైదరాబాద్‌లోని మహిళా దక్షత సమితి స్థాపించిన బన్సీలాల్ మలానీ కాలేజీ ఆఫ్ నర్సింగ్ ప్రారంభోత్సవంలో జ్యోతి ప్రజ్వలన చేస్తున్న ప్రణబ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.