రాష్ట్రీయం
జోనల్ వ్యవస్థ జోలికి వస్తే ఊరుకోం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 25: ఉద్యోగ నియామకాల్లో జోనల్ విధానాన్ని రద్దు చేయడం తగదని, దీని వల్ల తీవ్రపరిణామాలు తలెత్తుతాయని కాంగ్రెస్, టిడిపి,సిపిఐ, తెలంగాణ జాక్ హెచ్చరించాయి. టిడిపి ఎమ్మెల్యే, జాతీయ బిసి సంక్షేమ సంఘం చైర్మన్ ఆర్ కృష్ణయ్య మాట్లాడుతూ, ఉద్యోగ నియామకాల్లో జోనల్ విధానం రద్దు చేయడం తగదని, దీని వల్ల గ్రామీణ ప్రాంత అభ్యర్ధులకు అన్యాయం జరుగుతుందన్నారు. ఈ విషయమై ప్రభుత్వం పునరాలోచన చేయాలన్నారు. ఒక వైపుఅసెంబ్లీ సమావేశాలు జరుగుతుండగా ఎవరితో సంప్రదింపులు జరపకుండా ఏకపక్షంగా ప్రకటించడం సరికాదన్నారు. 15లక్షల నిరుద్యోగులకు సంబంధించిన అంశంపై అఖిలపక్షం ఏర్పాటు చేయాలన్నారు. జిల్లాల పునర్విభజన వల్ల కొత్త సమస్యలు వస్తాయన్నారు. జోనల్ విధానం రద్దు వల్ల కొత్త ఉద్యోగాల భర్తీ ఆగిపోయే ప్రమాదం ఉందన్నారు. కాంగ్రెస్ అధికార ప్రతినిధి శ్రావణ్ దాసోజు మాట్లాడుతూ కెసిఆర్ అనాలోచితంగా జోనల్ రద్దును ప్రతిపాదిస్తున్నారని, దీని వల్ల తెలంగాణ సమాజంలో అశాంతి ఏర్పడుతుందన్నారు. నల్లగొండ జిల్లా, మహబూబ్‌నగర్, కరీంనగర్, నిజామాబాద్, హైదరాబాద్ జిల్లాల్లో వేరువేరు సామాజిక, ఆర్థిక పరిస్థితులు నెలకొని ఉన్నాయన్నారు. జోనల్ విధానాన్ని రద్దు చేయడం వల్ల అభివృద్ధి చెందిన ప్రాంతాల అభ్యర్ధులకే ఉద్యోగాలు దక్కుతాయని, వారితో వెనకబడిన జిల్లాల అభ్యర్థులు పోటీపడలేరన్నారు. పైగా 371డికి పార్లమెంటు సవరణ చేయాల్సి ఉందన్నారు. రాజ్యాంగ సవరణ లేకుండా సాధ్యం కాదన్నారు. అన్ని పార్టీలతో మాట్లాడకుండా, ఏకపక్ష నిర్ణయాలతో కీలకమైన నిర్ణయాలు తీసుకుంటే విపరీతమైన పరిస్ధితులు నెలకొని ఉంటాయన్నారు. తెలంగాణ జాక్ కన్వీనర్ కోదండరామ్ కూడా జోనల్ విధానం రద్దు తగదన్నారు. సిపిఐ రాష్ట్ర కార్యదర్శి చాడ వెంకటరెడ్డి మాట్లాడుతూ జోనల్ వ్యవస్థను రద్దుచేసే ప్రతిపాదన తగదని, నిరుద్యోగ యువకులకు శరాఘాతంగా పరిణమిస్తుందన్నారు. 371డి అనుసరించి రాష్టప్రతి ఉత్తర్వులకు లోబడి ఉమ్మడి రాష్ట్రాన్ని ఆరుజోన్లుగా విభజించారన్నారు. తెలంగాణలో రెండు జోన్లు ఉన్నాయన్నారు. ఈ ప్రతిపాదనను వెంటనే ఉపసంహరించుకోవాలన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.