రాష్ట్రీయం
కరడుగట్టిన నేరస్థుడు అయూబ్‌ఖాన్ అరెస్ట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 26:హైదరాబాద్ పాతబస్తీకి చెందిన కరడుగట్టిన రౌడీషీటర్ అయూబ్‌ఖాన్ ఎట్టకేలకు పోలీసులకు చిక్కాడు. గతంలో పోలీస్ కాల్పుల్లో గాయపడిన అయూబ్‌ఖాన్ పదేళ్లుగా తప్పించుకు తిరుగుతున్నాడు. కాగా ఆదివారం సాయంత్రం ముంబయి శివార్లలో మహారాష్ట్ర పోలీసులు ఆదివారం సాయంత్రం అతనిని అదుపులోకి తీసుకుని తెలంగాణ పోలీసులకు సమాచారం ఇచ్చినట్టు తెలుస్తోంది. అయూబ్‌ఖాన్‌ను హైదరాబాద్ తీసుకొచ్చేందుకు సోమవారం సౌత్‌జోన్ పోలీస్ బృందం ముంబయికి బయలుదేరినట్టు దక్షిణ మండలానికి చెందిన ఓ సీనియర్ టాస్క్ఫోర్స్ అధికారి తెలిపారు. హైదరాబాద్, సైబరాబాద్ పోలీస్ కమిషనరేట్ల పరిధిలోని పలు పోలీస్ స్టేషన్లలో ఎనిమిది హత్య కేసులతోపాటు 27 బెదిరింపు కేసులు, ఓ హత్యాయత్నం కేసుసహా పలు దోపిడీ కేసుల్లో అతను నిందితుడు. నగర పోలీసులు గత ఏడాది అయూబ్‌ఖాన్‌పై ‘లుక్ అవుట్’ నోటీసు కూడా జారీ చేశారు. 2002లో న్యాయవాది మన్నన్ ఘోరీని పట్టపగలే హత్య చేసిన కేసులో విచారణ ఎదుర్కొంటున్నాడు. అప్పట్లో అరెస్టయిన అయూబ్‌ఖాన్ 2005లో బెయిల్‌పై బయటకువచ్చి తన ఆగడాల్ని కొనసాగించాడు. గతంలో మూడుసార్లు పోలీసుల నుంచి తప్పించుకున్నాడు. 2006లో పోలీసుల కళ్లుగప్పి తప్పించుకుని పారిపోతుండగా పోలీసులు కాల్పులు జరపడంతో అతడి కాలికి గామైంది. చివరిసారిగా 2008లో కర్ణాటకలోని గుల్బర్గాలో ఓ రహస్య స్థావరంపై నగర పోలీసులు దాడి చేసి పట్టుకొచ్చారు. అనంతరం న్యాయవాది మన్నన్ ఘోరీ హత్య కేసులో సాక్షులను అంతమొందించేందుకు ప్రయత్నించాడు. రెండేళ్ల కిందట దుబాయికి పారిపోయాడు. అక్కడినుంచి విమానంలో బంగారాన్ని స్మగ్లింగ్ చేస్తున్నట్టు పోలీసులకు సమాచారం ఉంది. రెండు పాస్‌పోర్టులు కలిగివున్న అయూబ్ ఖాన్ ముంబయి మీదుగా హైదరాబాద్‌కు వస్తున్న క్రమంలో మహారాష్ట్ర పోలీసులకు చిక్కాడు. ఇదిలావుండగా అయూబ్‌ఖాన్ ముంబయి పోలీసుల అదుపులోనే ఉన్నట్టు ప్రచారం జరుగుతోందని, వాస్తవాలపై ఆరా తీసి, ఒక వేళ నిజమే అయితే అయూబ్‌ఖాన్‌ను హైదరాబాద్‌కు తీసుకువస్తామని సౌత్‌జోన్‌కు చెందిన ఓ సీనియర్ పోలీస్ అధికారి తెలిపారు.
గ్యాంగ్‌స్టర్ అయూబ్‌ఖాన్‌ను టాస్క్ఫోర్స్ పోలీసులు విచారిస్తున్నట్టు విశ్వసనీయ సమాచారం. ముంబయిలో అరెస్టయిన అయూబ్‌ఖాన్‌ను తెలంగాణ పోలీసులు తమ అధీనంలో తీసుకున్నట్టు తెలిసింది. సోమవారం సాయంత్రం హైదరాబాద్‌కు తీసుకువచ్చి ఖాన్ నేరాలపై విచారణ జరుపుతున్నట్టు తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.