రాష్ట్రీయం
బస్సుల్లో స్వైప్‌మిషన్లు
S ,7 à 8 RSCA (si SASPAS) et 6 cialis pharmacie cialis rapports de stage.
సిద్దిపేట, జనవరి 8 : ఆర్టీసి బస్సుల్లో చిల్లర కష్టాలను దూరం చేసేందుకు రాష్ట్రంలోనే తొలిసారిగా సిద్దిపేట ఆర్టీసి బస్సుల్లో స్వైప్ మిషన్లను ప్రవేశపెడుతున్నట్లు రాష్ట్ర నీటిపారుదల శాఖ మంత్రి హరీష్‌రావు అన్నారు. ఆర్టీసి నష్టాలబాటలో ప్రయాణిస్తుంటే మూలిగే నక్కపై తాటికాయ పడ్డ చందంగా పెద్దనోట్లు రద్దు సంస్థపై పిడుగుపాటుగా మారిందని ఆయన అన్నారు. ఈ నిర్ణయం వల్ల ఆర్టీసికి రోజుకు 80 లక్షల రూపాయల నష్టం వస్తోందని అన్నారు. ఆర్టీసి సంస్థను అంతా కలసి రక్షించుకోవాలని ఆయన పిలుపునిచ్చారు. సిద్దిపేటలోని ఆర్టీసి బస్టాండ్‌లో కండక్టర్లకు స్వైప్ మిషన్లను, ఆర్టీసీ సంస్థ చైర్మన్, ఎమ్మెల్యే సోమారపు సత్యనారాయణతో కలసి హరీష్‌రావు పంపిణీ చేశారు. ఈ సందర్భంగా ఏర్పాటు చేసిన కార్యక్రమంలో మంత్రి హరీష్‌రావు మాట్లాడారు. పెద్దనోట్లు రద్దు తర్వాత సామాన్య ప్రజలకు చిల్లర కష్టాలు అధికమైనాయని, ఆర్టీసి బస్సుల్లో ప్రయాణీకులు 2వేల రూపాయలు ఇస్తే చిల్లర లేక దింపివేసిన ఘటనలున్నాయన్నారు. సిద్దిపేట నియోజక వర్గాన్ని నగదు రహిత లావాదేవీల్లో నెంబర్‌వన్‌గా చేసేందుకు ఎన్నో చర్యలు తీసుకున్నామని, ఆర్టీసి బస్సుల్లో సైతం క్యాష్‌లెస్ విధానం అమలు చేసేందుకే స్వైప్ మిషన్లను ప్రవేశపెడుతున్నట్లు తెలిపారు. సిద్దిపేట డిపోలో బస్సుల్లో 139 స్వైప్ మిషన్లు అందచేస్తున్నట్లు తెలిపారు. ప్రయాణికులు కార్డు లేదా నగదు సైతం చెల్లించి టికెట్ తీసుకోవచ్చని, ప్రజల సౌలభ్యం కోసం క్యాష్‌లెస్ విధానాన్ని అమలు చేస్తున్నట్లు పేర్కొన్నారు. బస్సులో స్వైప్ మిషన్లతో పాటు, మోబైల్ యాప్, క్యూఆర్ పద్ధతిలో శిక్షణ ఇస్తే ఏ పద్ధతిలోనైనా డబ్బులు చెల్లించే అవకాశం ఉందన్నారు. నియోజక వర్గంలో ఇబ్రహీంపూర్, ఇర్కోడ్, తోర్నాల, కోదండరావుపల్లి, లక్ష్మిదేవిపల్లి, బుస్సాపూర్, వెంకటాపూర్ గ్రామాల్లో క్యాష్‌లెస్‌గా మారాయని, చదువురాని మహిళలు సైతం నగదు రహిత లావాదేవీలను చక్కగా నిర్వహిస్తున్నారని అన్నారు. కాగా సిద్దిపేట నుంచి లాంగ్‌రూట్ బస్సులు వేస్తే లాభాలు వస్తాయని, షిరిడి, తిరుపతికి బస్సులు నడపాలని ఆర్టీసి చైర్మన్ సోమారపు సత్యనారాయణను ఈ సందర్భంగా మంత్రి కోరారు. కాగా 55 లక్షల వ్యయంతో కాష్‌లెస్ విధానం కోసం ఆర్టీసిలో సాఫ్ట్‌వేర్ మార్చామని, సిబ్బంది ఈ విధానాలను సక్రమంగా అమలు చేస్తే లాభాలు వస్తాయని సత్యనారాయణ అన్నారు. ఈకార్యక్రమంలో ఆర్టీసి సంస్థ ఈడి నాగరాజు, జెడి వెంకట్‌రావు, జెసి హన్మంత్‌రావు, మున్సిపల్ చైర్మన్ రాజనర్సు, డివిఎం సంజీవరెడ్డి, డిఎం సురేష్‌బాబు, కౌన్సిలర్లు వెంకట్‌గౌడ్, బర్లమల్లికార్జున్ పాల్గొన్నారు.
చిత్రం..కండక్టర్లకు స్వైప్ మిషన్లు అందచేస్తున్న మంత్రి హరీశ్‌రావు, ఆర్టీసి చైర్మన్ సోమారపు సత్యనారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.