రాష్ట్రీయం
ఎన్‌డిఆర్‌ఎఫ్ సేవలు భేష్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైమ్), జనవరి 9: జాతీయ విపత్తుల నివారణ (ఎన్‌డిఆర్‌ఎఫ్) దళం గత పదేళ్లుగా చేస్తున్న సేవలు దేశానికే గర్వకారణమని కేంద్ర హోం మంత్రి రాజ్‌నాథ్‌సింగ్ ప్రశంసించారు. కృష్ణా జిల్లా గన్నవరం మండలం కొండపావులూరు గ్రామంలో 50 ఎకరాల విస్తీర్ణంలో 10వ ఎన్‌డిఆర్‌ఎఫ్ బెటాలియన్ కొత్త భవనాల సముదాయానికి ముఖ్యమంత్రి చంద్రబాబు నాయుడు, కేంద్ర మంత్రులతో కలిసి సోమవారం ఆయన శంకుస్థాపన చేశారు. ఈ సందర్భంగా ఏర్పాటు చేసిన సభలో రాజ్‌నాథ్ మాట్లాడుతూ 2006లో ఏర్పాటైన ఎన్‌డిఆర్‌ఎఫ్ సేవలు తనకు తానే సాటి అన్నట్లు నిరూపించుకున్నాయని కొనియాడారు. జపాన్‌లో వచ్చిన సునామీ, నేపాల్‌లో వచ్చిన పెను భూకంపం సమయంలో ఎన్‌డిఆర్‌ఎఫ్ సేవలు ఖండాంతరాలకు వ్యాపించాయని చెప్పారు. 1999లో సంభవించిన పెను తుపానులో 10వేల మంది చనిపోతే 2014లో వచ్చిన తుపానులో 49 మంది చనిపోయారని, జననష్టం నివారించటంలో ఎన్‌డిఆర్‌ఎఫ్ చేస్తున్న సేవలకు ఇదే నిదర్శనమన్నారు. కేవలం తుపాను, వరదల సమయాల్లో సహాయ కార్యక్రమాల్లో పాల్గొనటమేగాక భూకంపాలు, రేడియో థార్మికత, బయొలాజికల్, న్యూక్లియర్ డిజాస్టర్స్ సమయాల్లో ఎన్‌డిఆర్‌ఎఫ్ కీలకపాత్ర పోషిస్తోందన్నారు. ఎన్‌డిఆర్‌ఎఫ్ సేవలను అభివృద్ధి పరచటంతోపాటు అన్నిరకాల వౌలిక వసతుల కల్పనకు కేంద్ర ప్రభుత్వం ప్రత్యేక దృష్టి సారించిందన్నారు. రాష్ట్రంలో ముఖ్యమంత్రి చంద్రబాబు నాయుడు చూపిన చొరవ కారణంగానే 10వ బెటాలియన్ ఏర్పాటుకు కేంద్ర ప్రభుత్వం ముందుకొచ్చిందని చెప్పారు. ముఖ్యమంత్రి కోరిక మేరకు రాష్ట్రంలో గ్రేహౌండ్స్, రాపిడ్ యాక్షన్ ఫోర్స్ కేంద్రాలు నెలకొల్పటానికి కృషి చేస్తానని రాజ్‌నాథ్ సింగ్ వెల్లడించారు.
ముఖ్యమంత్రి చంద్రబాబు మాట్లాడుతూ ప్రజల ప్రాణాలు, ఆస్తులు కాపాడటంలో ఎన్‌డిఆర్‌ఎఫ్ సేవలను మరువలేమన్నారు. అలాంటి సంస్థ ఆంధ్రప్రదేశ్‌లో నెలకొల్పటం ఇక్కడ ప్రజలకు ఎంతో మేలు చేస్తుందన్నారు. ఆంధ్రప్రదేశ్‌లో ఇచ్ఛాపురం నుండి తడ వరకు సముద్ర తీరప్రాంతమని, ఏ తుపాను సంభవించినా ఏదోఒక ప్రాంతాన్ని తాకుతుందని హోంమంత్రికి వివరించారు. విభజన వల్ల రాష్ట్రానికి కొన్ని సంస్థలను కోల్పోయామని, ముఖ్యంగా గ్రేహౌండ్స్, రాపిడ్ యాక్షన్ ఫోర్స్, సిఆర్‌పిఎఫ్ దళాలు రాష్ట్రానికి ఎంతైనా అవసరం వుందన్నారు. రాష్ట్రానికి ఐఎస్‌ఐఎస్ కార్యకలాపాలు విస్తరించకుండా నిలువరించేందుకు ప్రత్యేక దళాన్ని రాష్ట్రంలో ఏర్పాటు చేయాలని రాజనాధ్ సింగ్‌ను కోరారు. ఇందుకు సానుకూలంగా స్పందించిన కేంద్ర హోంమంత్రి దేశంలో ఐదు రాష్ట్రాల ఎన్నికల అనంతరం పరిగణనలోకి తీసుకోనున్నట్లు హామీ ఇచ్చారు. ఈసందర్భంగా ఎన్‌డిఆర్‌ఎఫ్ డైరెక్టర్ జనరల్ ఆర్‌కె పచనందా కోరిన విధంగా కొండపావులూరు నుండి నేషనల్ హైవే వరకు నాలుగు కిలోమీటర్ల రోడ్డు నిర్మిస్తామని చంద్రబాబు ప్రకటించారు.
కేంద్ర పట్టణాభివృద్ధి మంత్రి వెంకయ్య నాయుడు మాట్లాడుతూ ప్రకృతి వైపరీత్యాలు, మానవ తప్పిదాల వల్ల జరిగే విపత్తులను ఎదుర్కొనేందుకు ఎన్‌డిఆర్‌ఎఫ్ దళాల సేవలు మరువలేనివన్నారు. ప్రమాదాలు, విపత్కర పరిస్థితుల్లో మృతుల కుటుంబాలకు కేంద్ర ప్రభుత్వం గతంలో ఇస్తున్న లక్షా 20వేల ఆర్థిక సహాయాన్ని 4 లక్షలకు పెంచిందన్నారు. జిల్లా కలెక్టర్ బాబు.ఎ, ఎన్‌డిఆర్‌ఎఫ్ డైరెక్టర్ జనరల్ ఆర్‌కె పచానంద్ కూడా మాట్లాడారు. కార్యక్రమంలో కేంద్ర మంత్రి సుజనాచౌదరి, రాష్ట్ర మంత్రులు చినరాజప్ప, దేవినేని ఉమామహేశ్వరరావు, కొల్లు రవీంద్ర తదితరులు పాల్గొన్నారు.
చిత్రం..కృష్ణా జిల్లా కొండపావులూరులో ఎన్‌డిఆర్‌ఎఫ్ పదో బెటాలియన్ భవనాల నిర్మాణానికి శంకుస్థాపన చేస్తున్న కేంద్ర మంత్రి రాజ్‌నాథ్ సింగ్. ఫొటోలో సిఎం చంద్రబాబు, కేంద్ర మంత్రులు వెంకయ్య, సుజనా చౌదరి తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.