రాష్ట్రీయం
కొత్త పారిశ్రామిక విధానం కుదరదు
S ,7 à 8 RSCA (si SASPAS) et 6 cialis pharmacie cialis rapports de stage.
యానాం, జనవరి 9: పుదుచ్ఛేరిలో నూతన పారిశ్రామిక విధానం అమలు ఇప్పట్లో సాధ్యం కాదని ఆ రాష్ట్ర లెఫ్టినెంట్ గవర్నర్ కిరణ్‌బేడీ అన్నారు. యానాం ప్రజాఉత్సవాల్లో పాల్గొనడానికి వచ్చిన ఆమె సోమవారం ఉదయం స్థానిక పరిపాలనాధికారి కార్యాలయంలో ప్రజల వినతులు స్వీకరించారు. ఈసందర్భంగా విలేఖరులతో మాట్లాడారు. యానాంలో పరిశ్రమలు తరలిపోతున్న విషయాన్ని గవర్నర్ దృష్టికి తీసుకురాగా గత పదేళ్లుగా ప్రభుత్వం ఇచ్చే రాయితీలు పొందుతూ కూడా పారిశ్రామికవేత్తలు పన్నులు, కరెంటు బిల్లులు ఎగవేస్తున్నారన్నారు. గత ప్రభుత్వాలు ఆనలోచితంగా తీసుకున్న నిర్ణయాలతో ప్రస్తుతం పుదుచ్ఛేరి ప్రభుత్వం గతంలో చేసిన అప్పులకు వడ్డీ చెల్లించే స్థితిలో కూడా లేదన్నారు. వడ్డీలు చెల్లించాలంటే అప్పులు చేయాల్సిన పరిస్థితి ఏర్పడిందన్నారు. ప్రస్తుతం ఎక్కడ ఎంతవరకూ నిధులు అవసరమో అంతవరకే ఖర్చు చేస్తూ పొదుపుగా వ్యవహరించాల్సిన అవసరం ఉందన్నారు. ఈ స్థితిలో నూతన పారిశ్రామిక విధానం అమలుచేయడం సాధ్యం కాదన్నారు. యానాం చాలా పరిశుభ్రంగా ఉందని బొటానికల్ గార్డెన్‌లో ఏర్పాటుచేసిన మహాత్మా గాంధీ విగ్రహాన్ని తాను ఆవిష్కరించడం ఆనందంగా ఉందన్నారు. అంతకుముందు ప్రజల నుండి వినతిపత్రాలు స్వీకరించారు.
జ్ఞాపిక తీసుకెళ్లడానికి నిరాకరణ
ప్రజా ఉత్సవాల వేదికపై మంత్రి మల్లాడి బహూకరించిన జ్ఞాపికను తీసుకువెళ్లేందుకు కిరణ్‌బేడీ సున్నితంగా తిరస్కరించారు. దానిని పరిపాలనాధికారి కార్యాలయంలో ఉంచాలని పరిపాలనాధికారి సుబ్రహ్మణ్యంను కోరారు. తిరస్కరిస్తే తన మనస్సు బాధపడుతుందని మంత్రి మల్లాడి పేర్కొన్నప్పటికీ ఆమె తనతో తీసుకువెళ్లేందుకు నిరాకరించారు. అనంతరం పోలీసులు ఇచ్చిన గౌవర వందనాన్ని స్వీకరించి, ఆమె పుదుచ్ఛేరి వెళ్లిపోయారు.
చిత్రం..ప్రజల వినతులు స్వీకరిస్తున్న పుదుచ్ఛేరి లెఫ్టినెంట్ గవర్నర్ కిరణ్‌బేడి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.