రాష్ట్రీయం
ఎన్టీఆర్ అమరావతి ఎయిర్‌పోర్ట్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 12: రాష్ట్రంలో ప్రస్తుతం ఆరు ప్రాంతాల్లో విమానాశ్రయాలుండగా రానున్న రోజుల్లో ఇతర జిల్లాల్లోనూ ఏర్పాటుకు కేంద్రం చొరవ చూపాలని ముఖ్యమంత్రి చంద్రబాబు నాయుడు తెలిపారు. గన్నవరంలో అంతర్జాతీయ విమానాశ్రయంగా తీర్చిదిద్దేందుకు ముందస్తుగా శాశ్వత టెర్మినల్ నిర్మించాలని కోరారు. కార్గో సర్వీసులు కూడా ప్రవేశపెట్టాలని కోరారు. గన్నవరం విమానాశ్రయానికి ‘ఎన్టీఆర్ అమరావతి’ విమానాశ్రయంగా నామకరణం చేయాలంటూ హర్షధ్వానాల మధ్య చంద్రబాబు కోరారు. రూ.160 కోట్లతో నిర్మితమైన అధునాతన టెర్మినల్ భవనానికి ప్రారంభోత్సవం, మరో రూ.160 కోట్లతో చేపట్టబోయే రన్‌వే విస్తరణ పనులకు శంకుస్థాపన కార్యక్రమాలు గురువారం ఆర్భాటంగా జరిగాయి. ఈ రెండు ముఖ్య కార్యక్రమాల్లో కేంద్ర మంత్రులు పి అశోక్ గజపతిరాజు, ఎం వెంకయ్యనాయుడు, వై సుజనాచౌదరి, బండారు దత్తాత్రేయ, పలువురు రాష్ట్ర మంత్రులు పాల్గొన్నారు. ఈ సందర్భంగా చంద్రబాబు మాట్లాడుతూ ఉమ్మడి రాష్ట్రంలో తాను ఎంతో శ్రమించి శంషాబాద్ విమానాశ్రయాన్ని అంతర్జాతీయ స్థాయిలో అభివృద్ధి చేశానన్నారు. రన్‌వే విస్తరణకు 750 ఎకరాల భూములు ఇచ్చిన రైతులెవ్వరూ ఏమాత్రం నష్టపోకుండా అన్నివిధాలా పూర్తిస్థాయిలో న్యాయం చేస్తామని హామీ ఇచ్చారు. నెల్లూరు జిల్లాలో కృష్ణపట్నానికి బదులుగా దగదర్తిని పరిగణనలోకి తీసుకోవాలన్నారు.
పౌర విమానయాన శాఖ మంత్రి అశోక్ గజపతిరాజు మాట్లాడుతూ మరో రెండేళ్లలో ఇక్కడ శాశ్వత టెర్మినల్‌ను నిర్మించి ఈ కొత్త టెర్మినల్‌ను సరకు రవాణాకు ఉపయోగిస్తామని చెప్పారు. విమానయాన రంగంలో దేశంలో అన్ని రాష్ట్రాల కంటే మూడు రెట్ల ప్రయాణికులు ఒక్క ఎపిలోనే ఉన్నారని తెలిపారు. సభలో కేంద్ర మంత్రి బండారు దత్తాత్రేయ తదితరులు మాట్లాడారు. నిర్ణీత సమయానికే టెర్మినల్‌ను పూర్తిచేసినందుకు చంద్రబాబు తొలుత కాంట్రాక్టర్‌ను, ఏవియేషన్ అధికారులను సత్కరించారు.
చిత్రం..గురువారం గన్నవరం విమానాశ్రయంలో కొత్త టెర్మినల్‌ను ప్రారంభిస్తున్న ముఖ్యమంత్రి, కేంద్ర మంత్రులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.