రాష్ట్రీయం
ఏప్రిల్ చివరలో ఏపి ఎమ్సెట్?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 12: ఆంధ్రప్రదేశ్ ఎమ్సెట్ ప్రవేశపరీక్షను తెలంగాణ నిర్వహించిన రోజునే నిర్వహించాలని తొలుత భావించినా, తెలంగాణ కంటే ముందే ఏప్రిల్ చివరి వారంలో నిర్వహించేందుకు సన్నాహాలు చేస్తున్నారు. ఇప్పటికే ఎమ్సెట్ నిర్వహణకు అధికారులు మూడు తేదీలు సూచించినట్టు తెలిసింది. ఏప్రిల్ 23, 25, 27 తేదీల్లో ఏదో ఒక రోజు ప్రవేశపరీక్షను నిర్వహించనున్నారు. ప్రవేశపరీక్షలను గత ఏడాది నిర్వహించిన వర్శిటీలకే అప్పగించనున్నారు. ఎమ్సెట్‌ను కాకినాడ జెఎన్‌టియుకు అప్పగిస్తారు. ఇసెట్ నిర్వహణను అనంతపురం జెఎన్‌టియుకు, ఐసెట్‌ను ఆంధ్ర యూనివర్శిటీకి, ఎడ్‌సెట్‌ను తిరుపతి శ్రీ వేంకటేశ్వర యూనివర్శిటీకి, పిజి ఇసెట్‌ను కాకినాడ జెఎన్‌టియుకు, లాసెట్‌ను అనంతపురం కృష్ణదేవరాయ వర్శిటీకి, పిజి లాసెట్‌ను కూడా అనంతపురం కృష్ణదేవరాయ వర్శిటీకి, పిఇ సెట్‌ను గుంటూరు ఆచార్య నాగార్జున వర్శిటీకి అప్పగించనున్నారు. ఎమ్సెట్‌ను ఏప్రిల్‌లో నిర్వహించినా మిగిలిన అన్ని ప్రవేశపరీక్షలను మే నెలలోనే పూర్తి చేస్తారు. షెడ్యూలును ముఖ్యమంత్రి ఆమోదించిన తర్వాత విడుదల చేసేందుకు అధికారులు ఏర్పాట్లు చేశారు. తేదీలు ఖరారై దాదాపు 20 రోజులైనా, కొత్తగా ఉన్నత విద్యా మండలి చైర్మన్ నియమితులు కావడంతో ఒకటి రెండు రోజుల్లో ఇందుకు సంబంధించిన ప్రకటన విడుదల చేయనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.