రాష్ట్రీయం
జలాలపై మళ్లీ జగడం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 13: కృష్ణా జలాలపై ఆంధ్ర, తెలంగాణ రాష్ట్రాల మధ్య మళ్లీ కీచులాట ప్రారంభమైంది. పరస్పరం ఫిర్యాదు చేస్తూ కృష్ణా బోర్డుకు రెండు రాష్ట్రాల ఇరిగేషన్ శాఖలు లేఖలు రాశాయి. దీంతో రెండు రాష్ట్రాల మధ్య సయోధ్య కుదిర్చేందుకు ఈ నెలాఖరులోగా సమావేశాన్ని నిర్వహించాలని కృష్ణా బోర్డు నిర్ణయించింది. ఆంధ్రప్రదేశ్ ఆధీనంలో ఉన్న శ్రీశైలం ప్రాజెక్టు నుంచి ఏపి అదనంగా 3 టిఎంసి జలాలను వినియోగించుకుందని తెలంగాణ ఇరిగేషన్ బోర్డుకు ఫిర్యాదు చేసింది. పోతిరెడ్డిపాడు హెడ్ రెగ్యులేటర్ ద్వారా నీటి చౌర్యానికి పాల్పడుతోందనే అనుమానం ఉందని, శ్రీశైలం జలాశయం నీటి వినియోగంపై ఆంధ్రప్రదేశ్ తప్పుడు లెక్కల వివరాలు అందిస్తోందని తెలంగాణ ఇరిగేషన్ శాఖ ప్రభుత్వం దృష్టికి తీసుకెళ్లింది. కాగా ఆంధ్రప్రదేశ్ ప్రభుత్వం కృష్ణా జలాల వినియోగంపై కొత్త వాదనను తెరపైకి తెచ్చింది. పట్టిసీమ ఎత్తిపోతలపై తెలంగాణ అస్త్రాలకు కౌంటర్ వేస్తూ హైదరాబాద్‌కు గోదావరి జలాల తరలింపును ఏపి ప్రశ్నించింది.
హైదరాబాద్‌కు గోదావరి జలాలను ఏ ప్రాతిపదికన సరఫరా చేస్తారని, దీనిపై తమకు తీవ్ర అభ్యంతరాలు ఉన్నాయంటూ ఏపి ఇరిగేషన్ ఇంజనీర్ ఇన్ చీఫ్ బోర్డుకు శుక్రవారం లేఖ రాశారు. ఎస్సారెస్పీ వరదకాల్వ, దేవాదుల నుంచి హైదరాబాద్‌కు గోదావరి జలాల కేటాయింపు లేక పోయినా, ఎలా సరఫరా చేస్తున్నారంటూ, దీనిపై బోర్డు సమావేశాన్ని ఏర్పాటు చేయాలని ఏపి కోరింది.
పట్టిసీమ ఎత్తిపోతల ద్వారా గోదావరి నీటిని కృష్ణా డెల్టాకు మళ్లిస్తున్నారని, తమకు ఎగువన కృష్ణా నదిపై ఉన్న రిజర్వాయర్ల ద్వారా అదనంగా 40 నుంచి 80 టిఎంసి నీటిని కేటాయించాలని తెలంగాణ ప్రభుత్వం పలుసార్లు కేంద్రానికి, కృష్ణా బోర్డుకులేఖలు రాసింది. ఈ నేపథ్యంలో తెలంగాణ ప్రభుత్వాన్ని ఇరకాటంలో పెట్టేందుకు ఆంధ్రప్రదేశ్ ప్రభుత్వం హైదరాబాద్‌కు గోదావరి జలాలను ఎలాసరఫరా చేస్తారనే అంశాన్ని లేవనెత్తింది. కాగా ఉమ్మడి ఆంధ్రప్రదేశ్‌లోనే హైదరాబాద్ తాగునీటి అవసరాలకు అప్పటి కాంగ్రెస్, టిడిపి ప్రభుత్వాలు గోదావరి జలాలను రాజధానికి తీసుకువచ్చేందుకు నిధులు కేటాయించిన సంగతి విదితమే. ప్రస్తుతం కృష్ణా బోర్డు కేటాయించిన నీటి వివరాల గడువు జనవరి 20వ తేదీతో ముగుస్తుంది. శ్రీశైలం, నాగార్జునసాగర్ రిజర్వాయర్లలో 130 టిఎంసి నీటి లభ్యత ఉంది. ఇందులో తెలంగాణకు 43 టిఎంసి, ఆంధ్రాకు 87 టిఎంసిని గత నెలలో కృష్ణా బోర్డు కేటాయించింది.
ఇంతవరకు తెలంగాణ 19 టిఎంసి నీటిని వినియోగించుకోగా, ఆంధ్ర ప్రదేశ్ మాత్రం 40 టిఎంసిని వాడుకుందని ఇరిగేషన్ శాఖ అధికారులు తెలిపారు. మొత్తం రెండు రిజర్వాయర్లలో 130 టిఎంసి నీటికి ఆరు టిఎంసిలు తగ్గుదల కనపడుతోందని కృష్ణా బోర్డు కూడా గుర్తించినట్లు సమాచారం. ఆవిరి వల్ల కూడా నీటి నిల్వలు తగ్గుతాయని, కాని ఎకాఎకిన మూడు టిఎంసిలు ఎలా తగ్గుతాయని తెలంగాణ ఇరిగేషన్ శాఖ అధికారులు ప్రశ్నిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.