రాష్ట్రీయం
ఆగిన ఆరోగ్య సేవలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 17: ఆరోగ్య పథకాల ధరల ప్యాకేజీ పెంపుపై జరుగుతున్న అంతులేని జాప్యానికి నిరసనగా ఆంధ్రప్రదేశ్ స్పెషాలిటీ హాస్పిటల్స్ అసోసియేషన్ ‘ఆషా’ పరిధిలోని సూపర్ స్పెషాలిటీ ఆసుపత్రులన్నీ మంగళవారం తెల్లవారుజామునుంచి ఉద్యోగుల ఆరోగ్య పథకం కింద సేవలను పూర్తిగా నిలిపివేశాయి. అయితే మెడికల్ రీయింబర్స్‌మెంట్ సౌకర్యం మార్చి మాసాంతం వరకు ఉన్నందున ఉద్యోగులకు ఆ పథకం కింద చికిత్స చేయడానికి సిద్ధమవుతున్నారు. ముఖ్యమంత్రి చంద్రబాబు దావోస్ పర్యటన ముగిసేవరకు ఈ సమస్య పరిష్కారమయ్యేలా కన్పించడం లేదు. దారిద్య్రరేఖకు దిగువనున్న 80శాతం జనాభా లబ్ధిపొందేలా ఆరోగ్యశ్రీ పథకం కింద రూపొందించిన డాక్టర్ ఎన్టీఆర్ వైద్యసేవ ధరలకే ఉద్యోగుల ఆరోగ్య పథకం అమలుచేయటం సాధ్యం కాదంటూ ‘ఆషా’ గత రెండేళ్లుగా ప్రభుత్వానికి నిక్కచ్చిగా చెబుతూ వస్తోంది. 2013 తర్వాత ఆసుపత్రుల నిర్వహణ వ్యయభారం అంతులేని విధంగా పెరుగుతున్నప్పటికీ ఏడాదికోసారైనా సమీక్షిస్తూ ధరలు పెంచాలనే డిమాండ్‌కు సిఎం ఎప్పటికప్పుడు సూత్రప్రాయంగా అంగీకరిస్తూ వస్తున్నారు. కానీ అమలు కాకపోవడం వల్ల ఏకంగా పథకం నిలిపివేతకు సిద్ధమయ్యారు. విజయవాడలో మంగళవారం అసోసియేషన్ అధ్యక్షుడు డాక్టర్ మురళి మాట్లాడుతూ ధరల ఒప్పందానికి సంబంధించి ఆషా హాస్పటల్స్ కోర్ కమిటీ, రాష్ట్ర ఆరోగ్య శాఖ ప్రధాన కార్యదర్శి, ప్రభుత్వ సలహాదారు జితేంద్రశర్మ, ఉద్యోగుల సమాఖ్య ట్రస్టు ప్రధాన పర్యవేక్షకుల మధ్య అనేకమార్లు చర్చలు జరిగాయని చెప్పారు. ఈ సమస్య గత రెండేళ్లుగా పెండింగ్‌లో వుండగా, రాష్ట్ర ప్రభుత్వం తాజాగా పింక్ కార్డుదారుల కోసం ఆరోగ్యరక్ష అనే కొత్త పథకాన్ని ప్రవేశపెట్టింది. ఈ పథకాన్ని తాము ఎలా అమలు చేయగలుగుతామని ఆషా సభ్యులు ప్రశ్నించారు. డాక్టర్ ఎన్టీఆర్ వైద్యసేవ ట్రస్టు సూచనపై ‘ఆషా’ ఇటీవల సహేతుకమైన, శాస్ర్తియబద్ధమైన ప్యాకేజీని సమర్పించినప్పటికీ ప్రభు త్వం ధరలను ఏమాత్రం సవరించలేకపోయింది. దాంతో ‘ఆషా’ ప్రభుత్వంతో తాడోపేడో తేల్చుకోటానికి సిద్ధవౌతోంది. తాము సూచించిన ధరలకు ఒప్పుకున్నా, లేక తెలంగాణ ప్రభుత్వం అమలుచేస్తున్న ప్యాకేజీ ధరలను ఇవ్వడానికి అంగీకరించినా తమ ఆసుపత్రిల్లో ఉద్యోగుల ఆరోగ్య పథకాన్ని అమలుచేయగలమన్నారు.
చిత్రం..విలేఖరుల సమావేశంలో మాట్లాడుతున్న ‘ఆషా’ ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.