రాష్ట్రీయం
మా రాష్ట్రానికి రండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 19:తెలంగాణ రాష్ట్రంలో పరిశ్రమలు నిర్వహించేందుకు ముందుకొచ్చే కొరియన్ సంస్థలకోసం హైదరాబాద్‌లో ఓ ఇండస్ట్రియల్ పార్క్ నెలకొల్పేందుకు రాష్ట్ర ప్రభుత్వం అంగీకరించింది. ఈ మేరకు దక్షిణ కొరియా పర్యటనలో ఉన్న మంత్రి కెటిఆర్ సియోల్‌లోని భారత ఛాంబర్ ఆఫ్ కామర్స్ దక్షిణ కొరియాకు హామీ ఇచ్చారు.
దక్షిణ కొరియాకు చెందిన పలు ప్రముఖ కంపెనీలతో ఐటి మంత్రి కెటిఆర్ గురువారం సమావేశం అయ్యారు. ఈ నేపథ్యంలో ఆయన గురువారం శామ్‌సంగ్ కంపెనీ సీనియర్ ఉపాధ్యక్షుడు సంగ్ మో యిమ్, ఉపాధ్యక్షుడు పీటర్ రీలతోభేటీ అయ్యారు. తెలంగాణలో ఎలక్ట్రానిక్స్ తయారీ అవకాశాలపై ఇరు వర్గాల మధ్య చర్చలు జరిగాయి. రాష్ట్రంలో ఎలక్ట్రానిక్స్ పరిశ్రమలకు కల్పిస్తున్న వౌలిక వసతులు, ప్రత్యేక పారిశ్రామిక విధానం గురించి కెటిఆర్ వివరించారు. తమ రాష్ట్రంలో ఏర్పాటు చేస్తున్న మెడికల్ డివైజ్ మాన్యుఫాక్చరింగ్ పార్క్‌లో యూనిట్ ఏర్పాటు చేయాలని శామ్‌సంగ్ సంస్థ ప్రతినిధులను కెటిఆర్ కోరారు. అనంతరం శామ్‌సంగ్ ఇన్నోవేషన్ మ్యూజియాన్ని కెటిఆర్ సందర్శించారు. భారత చాంబర్ ఆఫ్ కామర్స్ దక్షిణ కొరియా ఏర్పాటుచేసిన వ్యాపారవేత్తల సమావేశంలో కెటిఆర్ ప్రసంగించారు. సియోల్‌లో జరిగిన ఈ సమావేశానికి వందకు పైగా కంపెనీల ప్రతినిధులు హాజరయ్యారు. తెలంగాణలో పరిశ్రమల స్థాపనకు ఉన్న అనుకూల అంశాలు, ప్రభుత్వ విధానాలపై కెటిఆర్ పవర్ పాయింట్ ప్రజంటేషన్ ఇచ్చారు. ఎలక్ట్రానిక్స్, టెక్స్‌టైల్, లైఫ్ సైనె్సస్, ఆటోమోటివ్, మెషినరీ, ఇంజనీరింగ్‌వంటి రంగాల్లోని సంస్థలకు ప్రత్యేకంగా తెలంగాణలో ఉన్న అవకాశాలు, సౌకర్యాలను, ప్రభుత్వం అందించే సహకారాన్ని కెటిఆర్ వివరించారు. కొరియాలోని భారత రాయబారి విక్రం దొరైస్వామి అధ్యక్షత వహించిన ఈ సమావేశంలో తెలంగాణ రాష్ట్రంలో కొరియా సంస్థల కోసం ప్రత్యేకంగా కొరియన్ ఇండస్ట్రియల్ పార్క్ ఏర్పాటు చేయాలని నిర్ణయం తీసుకున్నారు. తెలంగాణకు వచ్చే ప్రతి కొరియన్ సంస్థలకు పూర్తి సహకారం అందిస్తామని కెటిఆర్ తెలిపారు.
చిత్రం.. శామ్‌సంగ్ కంపెనీ సీనియర్ ఉపాధ్యక్షుడు సంగ్ మో యిమ్, ఉపాధ్యక్షుడు పీటర్ రీలతో భేటీ అయన కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.