రాష్ట్రీయం
సాధించి చూపాం!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 20: ప్రధాని నరేంద్ర మోదీ ఇచ్చిన డిజిటల్ ఇండియా పిలుపును అందుకుని ఫైబర్‌గ్రిడ్ ప్రాజెక్టు చేపట్టామని ముఖ్యమంత్రి చంద్రబాబునాయుడు తెలిపారు. సుస్థిర అభివృద్ధి లక్ష్యాలలో భాగంగా ప్రపంచ ఆర్థిక వేదిక సదస్సులో శుక్రవారం ‘ఇంటర్నెట్ ఫర్ ఆల్’ అంశంపై ప్రత్యేక చర్చ జరిగింది. చర్చలో పాల్గొన్న చంద్రబాబు తక్కువ వ్యయంతో ఇంటింటికీ ఇంటర్నెట్ ఎలా సాధ్యమో వివరించారు. తాము చేపట్టిన ఫైబర్‌గ్రిడ్ ప్రాజెక్ట్ వ్యయం 9 బిలియన్ డాలర్లు అవుతుందని, అంత వ్యయాన్ని భరించే శక్తి తమకు లేకపోవటంతో ప్రాజెక్టు అధికారులతో ఒక మేధోమధన సమావేశం నిర్వహించి పరిష్కారం కనుగొన్నట్లు చెప్పారు. ప్రతి ఇంటికీ కరెంటు స్తంభాల ద్వారా విద్యుత్ కనెక్షన్లున్నాయని, ఈ స్తంభాలనే వినియోగించుకోవాలన్న ఆలోచన రావటంతో ఆచరణలో పెట్టామని, ప్రాజెక్టు వ్యయాన్ని రూ.320 కోట్లకు తగ్గించినట్లు చంద్రబాబు వివరించారు. ఒక కనెక్షన్‌తో మూడు ప్రయోజనాలు పొందే అవకాశాన్ని ప్రజల ముంగిటకు తెచ్చామని సిఎం చెప్పారు. 10 ఎంబిపిఎస్ కనెక్షన్‌తో వైఫై సదుపాయం, అన్ని టీవీల్లో అన్ని టెలివిజన్ ఛానెల్స్ చూడవచ్చని, అపరిమితంగా మాట్లాడుకునేందుకు ‘ఫ్రీ ఇంటర్నెట్ ఫోన్’ సదుపాయం కల్పించినట్లు వివరించారు. ఇంటింటికీ కేవలం రెండు డాలర్లకే కనెక్షన్లు ఇస్తున్నామని, ఇది తాము సాధించామని గర్వంగా చెప్పుకుంటామన్నారు. ప్రస్తుతం పది లక్షల ఇళ్లకు కనెక్షన్ ఇస్తామని, ఒక ఏడాదిలోగా ప్రతి ఇంటికీ కనెక్షన్ ఇవ్వనున్నట్లు ముఖ్యమంత్రి చంద్రబాబు తెలిపారు. అన్ని స్కూళ్లకు ఇంటర్నెట్ సదుపాయం కల్పించామని, తరగతి గదుల్లో డిజిటల్ క్లాస్ రూమ్ సదుపాయం కల్పిస్తున్నట్లు చంద్రబాబు చెప్పారు. వివిధ శాఖల సమాచారాన్నంతా డ్యాష్ బోర్డ్ ద్వారా తెలుసుకుంటానని చెప్పారు. ప్రజాపంపిణీ వ్యవస్థకు తాము పంపిణీ చేసే రేషన్ సవ్యంగా చేరి అక్రమాలకు తావులేకుండా ఉండేందుకు ఈ-పాస్ యంత్రాలను ఉపయోగిస్తున్నట్లు తెలిపారు. భారత్‌లో ప్రతి పౌరుడికీ ఆధార్ అక్కౌంట్ అనుసంధానం ఉందని, ఈ ఆధార్ ద్వారా ప్రజలకు ప్రభుత్వ సేవలు అందించటం సులువైందని చెప్పారు. ఇంటర్నెట్ ఫర్ ఆల్, న్యూవిజన్ డెవలప్‌మెంట్ ఫర్ అగ్రికల్చర్, ఎన్విరాన్‌మెంట్, జలవనరుల సంరక్షణ అంశాల్లో ఆధునిక సాంకేతికతో అద్భుతాలు సాధించే అవకాశాలు వచ్చాయని చంద్రబాబు తెలిపారు.
చిత్రం..ఎయిర్ బస్ ప్రతినిధులతో చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.