రాష్ట్రీయం
డబుల్ పరుగులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 23: తెరాస సర్కారుకు కీలక పథకమైన డబుల్ బెడ్‌రూమ్ ఇళ్ల నిర్మాణం ఇక వేగాన్ని పుంజుకోనుంది. మార్గదర్శకాలు, నిర్మాణ వ్యయం వంటి పలు సమస్యలతో ఇంతకాలం నత్తనడక నడిచిన ఈ ప్రాజెక్టులో వేగం పెంచాలని ప్రభుత్వం నిర్ణయం తీసుకుంది. ఈ ఏడాదిలోనే 2.6 లక్షల ఇళ్లను నిర్మించేందుకు అవసరమైన కార్యాచరణ రూపొందించారు. డబుల్ బెడ్‌రూమ్ ఇళ్ల నిర్మాణ వ్యయం తగ్గేందుకు కేబినెట్ సబ్ కమిటీ పలు రాయితీలు ప్రకటించింది. సీనరీస్ తగ్గింపుతో ఉచితంగా ఇసుక, కంపెనీ ధరకే సిమెంట్ (బస్తా 235 రూపాయల చొప్పున) ఇవ్వాలని నిర్ణయించారు. వ్యక్తిగత మరుగు దొడ్ల నిర్మాణంలో రాయితీ వంటి పలు వెసులుబాట్లు కల్పించడం వల్ల నిర్మాణ వ్యయం తగ్గినట్టు మంత్రివర్గ ఉప సంఘం తెలిపింది. డబుల్ బెడ్‌రూమ్ ఇళ్ల నిర్మాణంలో వేగం పెంచేందుకు గతంలోనే సిఎం కెసిఆర్ కేబినెట్ సబ్ కమిటీని నియమించారు. కేబినెట్ సబ్ కమిటీలోని మంత్రులు టి హరీశ్‌రావు, ఇంద్రకరణ్‌రెడ్డి, జగదీశ్‌రెడ్డి, మహేందర్‌రెడ్డి, మిషన్ భగీరథ వైస్ చైర్మన్ వేముల ప్రశాంత్‌రెడ్డిలు సోమవారం సమావేశమై పలు నిర్ణయాలు తీసుకున్నారు. ఉచితంగా ఇసుక ఇవ్వడం, సిమెంట్ ధర తగ్గించడం వల్ల ఒక్కో ఇంటి వ్యయం దాదాపు రూ. 50వేల వరకు తగ్గుతుందని అంచనా వేశారు. నిధుల విడుదలలో జాప్యం తలెత్తకుండా సంబంధిత పూర్తి అధికారాలు జిల్లా కలెక్టర్లకే ఇవ్వాలని నిర్ణయించారు. ఇళ్ల నిర్మాణం వేగవంతం చేసేందుకు ప్రభుత్వం త్వరలోనే అదనంగా మరిన్ని మార్గదర్శకాలను జారీ చేయనుంది. ఈ ఏడాదిలోపే 2.6 లక్షల ఇళ్ల నిర్మాణం పూర్తి చేసేలా చర్యలు తీసుకోవాలని కలెక్టర్లను ఆదేశించారు. వచ్చే నెల ఫిబ్రవరి నాటికి టెండర్ల ప్రక్రియ పూర్తి చేసి ఇళ్ల నిర్మాణాలు ప్రారంభమయ్యేలా కలెక్టర్లు, ప్రజా ప్రతినిధులు చొరవ చూపించాలని మంత్రివర్గ ఉప సంఘం సూచించింది.
మంత్రివర్గ ఉప సంఘం సమావేశం తరువాత గృహ నిర్మాణ మంత్రి ఇంద్రకరణ్‌రెడ్డి మీడియాతో మాట్లాడుతూ డబుల్ బెడ్ రూమ్ ఇళ్ల నిర్మాణాన్ని వేగవంతం చేయనున్నట్టు చెప్పారు. ప్రభుత్వపరంగా పలు రాయితీలు కల్పించి ఇళ్ల నిర్మాణాన్ని వేగవంతం చేయనున్నామన్నారు. ఇసుక లభించనిచోట పక్క జిల్లాల నుంచి ఇసుకను సరఫరా చేసేలా నిబంధనలను సరళతరం చేయాలని మంత్రివర్గ ఉప సంఘం నిర్ణయించింది. సిమెంట్ ఇటుకల నిర్మాణానికి ప్లయింగ్ యాష్ (బూడిద) వంద కిలోమీటర్ల వరకు ఉచితంగా తరలించేందుకు ఎన్‌టిపిసి అంగీకరించిందని, దీనివల్ల నిర్మాణ వ్యయం తగ్గే అవకాశం ఉందని ఇంద్రకరణ్‌రెడ్డి తెలిపారు. డబుల్ బెడ్‌రూమ్ ఇళ్ల నిర్మాణ పురోగతిని పర్యవేక్షించేందుకు నోడల్ ఆఫీసర్‌ను నియమించే అంశాన్ని పరిశీలిస్తున్నట్టు మంత్రి తెలిపారు. మంత్రివర్గ ఉప సంఘంలో చర్చించిన అంశాలను సిఎం దృష్టికి తీసుకు వెళ్లనున్నట్టు చెప్పారు. సచివాలయంలోని ఆర్థిక శాఖ సమావేశ మందిరంలో జరిగిన మంత్రివర్గ ఉప సంఘం సమావేశంలో మంత్రులతో పాటు ఎమ్మెల్యే చల్లా ధర్మారెడ్డి, హౌజింగ్ ప్రత్యేక కార్యదర్శి చిత్రా రామచంద్రన్, ఆర్థిక శాఖ కార్యదర్శి శివశంకర్, సిద్దిపేట కలెక్టర్ వెంకట్రామ్‌రెడ్డి, హౌజింగ్ కార్పొరేషన్ సిఇ ఈశ్వరయ్య తదితరులు పాల్గొన్నారు.
చిత్రం..డబుల్ బెడ్‌రూం ఇళ్ల నిర్మాణాల మార్గదర్శకాలపై సమీక్షిస్తున్న కేబినెట్ సబ్ కమిటీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.