రాష్ట్రీయం
విధ్వంసానికి కుట్ర
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 24: భారత గణతంత్ర దినోత్సవం సందర్భంగా ఉగ్రవాదులు భారీ విధ్వంసానికి కుట్ర పన్నారన్న ఇంటెలిజెన్స్ బ్యూరో (ఐబి) హెచ్చరికల నేపథ్యంలో తెలుగు రాష్ట్రాలు అప్రమత్తమయ్యాయి. విమానాశ్రయాలు, రైల్వేస్టేషన్లు, బస్‌స్టేషన్లలో భద్రత కట్టుదిట్టం చేశాయ. ‘ఉగ్ర’దాడుల పట్ల అప్రమత్తంగా ఉండాలని కేంద్ర హోంశాఖ రాష్ట్ర డిజిపిలను ఆదేశించింది. ఈ మేరకు హైదరాబాద్, సైబరాబాద్, శంషాబాద్ విమానాశ్రయం సహ వ్యూహాత్మక ప్రాంతాల్లో పోలీస్ బలగాలను మోహరించారు. విశాఖపట్నం, కాకినాడ, రాజమండ్రి, విజయవాడలో అదనపు బలగాలు మోహరించాయి. దక్షిణాది రాష్ట్రాలే టార్గెట్‌గా ఉగ్రదాడులు జరగొచ్చని, ఉగ్రవాదులు రాష్ట్రాల్లోకి చొరబడ్డారని నిఘా వర్గాలు హెచ్చరించాయి. ఇండియన్ ముజాహిదీన్, ఐసిస్ ఉగ్రవాద సంస్థలు దక్షిణాది రాష్ట్రాల్లో విధ్వంసం సృష్టించేందుకు ఉగ్రవాదులకు ఆయుధాలు సమకూర్చినట్టు నిఘా వర్గాలు హెచ్చరికలు జారీ చేశాయి. దీంతో తెలంగాణ జిల్లాల్లోని అన్ని జిల్లా కేంద్రాలతోపాటు, నగరాలు, పట్టణాల్లో భద్రత చర్యలు చేపట్టాలని, వాహన తనిఖీలు, అనుమానితులను అదుపులోకి తీసుకుని విచారించాలని తెలంగాణ డిజిపి అనురాగ్‌శర్మ, ఆంధ్రా డిజిపి సాంబశివరావు రాష్ట్రాల్లోని అన్నీ జిల్లా ఎస్పీలకు ఆదేశాలు జారీ చేశారు. గణతంత్ర వేడుకల సందర్భంగా లౌడ్ స్పీకర్లు, వౌత్ స్పీకర్లు వాడకూడదని, వీలైనంత త్వరగా రిపబ్లిక్ వేడుకలు పూర్తి చేసుకోవాలని నిర్వాహకులకు సూచించారు. పరేడ్ గ్రౌండ్స్‌లో డాగ్ స్క్వాడ్, అశ్వదళాలు, ప్రత్యేక దళాలతో భద్రత పెంచాలని డిజిపిలు ఆదేశించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.