రాష్ట్రీయం
విద్యుత్ చార్జీల వడ్డన స్వల్పమే?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 29: తెలంగాణ డిస్కాంలు విద్యుత్ చార్జీలను స్వల్పంగా పెంచి ఆ మేరకు ప్రతిపాదనలను ఈ నెల 31న విద్యుత్ నియంత్రణ మండలికి ఇవ్వనున్నట్లు తెలిసింది. ఇప్పటికే డిస్కాంలు 22,044 కోట్ల రెవెన్యూ అవసరమని, 32,844 ఎంయు విద్యుత్ అవసరం ఉంటుందని అంచనాలను మండలికి సమర్పించాయి. రాష్ట్రప్రభుత్వం విద్యుత్ సబ్సిడీ కింద దాదాపు రూ.3000 కోట్ల వరకు భరించేందుకు సిద్ధంగా ఉంది. విద్యుత్ లోటును పూడ్చుకునేందుకు దాదాపు 3.5 నుంచి 4.5 శాతం పైన చార్జీలను పెంచుతూ ప్రతిపాదనలు సమర్పించనున్నట్లు తెలిసింది. చార్జీల భారంనుంచి నెలకు వంద యూనిట్ల వరకు వినిమయం చేసే వినియోగదారులను మాత్రం మినహాయించే అవకాశం ఉంది. డిస్కాంలు ప్రతిపాదనలు సమర్పించిన తర్వాత తెలంగాణ విద్యుత్ నియంత్రణ మండలి వరంగల్, కరీంనగర్, హైదరాబాద్‌లో పబ్లిక్ హియరింగ్‌ను నిర్వహించనుంది. అనంతరం ప్రతిపాదిత చార్జీలపై తన నిర్ణయం ప్రకటించనుంది. ఇప్పటికే డిస్కాంలకు సంబంధించిన 8వేల కోట్లరూపాయల రుణాలను రాష్ట్రప్రభుత్వం స్వీకరించింది. డిస్కాంల రుణ భారాన్ని తగ్గించినందువల్ల భారీగా విద్యుత్ చార్జీలను పెంచే అవకాశాలు లేవని విద్యుత్‌శాఖ వర్గాలు తెలిపాయి. కాగా వ్యవసాయ రంగానికి 9 గంటల విద్యుత్ సరఫరా చేస్తున్నందువల్ల అదనంగా 1500 మెగావాట్ల విద్యుత్‌ను అవసరమని డిస్కాంలు గుర్తించాయి. ఈ మేరకు విద్యుత్‌ను స్వల్పకాలిక కొనుగోళ్ల ప్రాతిపదికను కొనుగోలు చేసే అవకాశాలు ఉన్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.