రాష్ట్రీయం
‘్భక్తరామదాసు’ స్ఫూర్తితో మరిన్ని ప్రాజెక్టులు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, జనవరి 29: స్వల్ప కాలంలో నిర్మించిన భక్తరామదాసు ప్రాజెక్టు స్ఫూర్తితో రాష్ట్రంలో మరిన్ని ప్రాజెక్టుల నిర్మాణాలు చేపడతామని, గోదావరి నీటిని పూర్తిస్థాయిలో వినియోగించుకునేందుకు ప్రణాళికలు రచిస్తున్నట్లు రాష్ట్ర రోడ్లు, భవనాల శాఖ మంత్రి తుమ్మల నాగేశ్వరరావు చెప్పారు. ఆదివారం ఆయన ‘ఆంధ్రభూమి’తో మాట్లాడుతూ కేవలం 11నెలల కాలంలోనే అతి తక్కువ ఖర్చుతో భక్తరామదాసు ప్రాజెక్టును పూర్తిచేసి రాష్ట్ర ప్రభుత్వం చేపడుతున్న యజ్ఞాన్ని ప్రారంభించామన్నారు. కేవలం 170 కోట్ల రూపాయలతో ఈ ప్రాజెక్టు నిర్మాణం జరిగిందని, మరో 160 కోట్ల రూపాయలు పైపులు, మోటార్ల తరలింపుతో పాటు భూసేకరణకు వెచ్చించామని తెలిపారు. అనాలోచితంగా గత కాంగ్రెస్ ప్రభుత్వం తీసుకొచ్చిన 2013-్భసేకరణ చట్టాన్ని అమలు చేయటంలో ఇబ్బందులున్నా రైతుల అభీష్టం మేరకు కొనసాగిస్తున్నామని, ఇదే సమయంలో తమ ప్రభుత్వం తెచ్చిన 123-జీవోను కూడా పకడ్బందీగా అమలు చేస్తున్నామన్నారు. ఈ రెండింటిలో రైతుకు లాభం జరిగేదానికే ప్రాధాన్యత ఇస్తున్నామన్నారు. కేంద్రం తీసుకొచ్చిన భూసేకరణ చట్టం ద్వారా కాంగ్రెస్ పాలిత రాష్ట్రాలు కూడా ఒక్క ఎకరమూ సేకరించలేక పోయాయని మంత్రి తుమ్మల ఉదహరించారు. ఇందిరాసాగర్, రాజీవ్‌సాగర్ ప్రాజెక్టుల కోసం గత పాలకులు తీసుకొచ్చిన పైపులు, మోటార్లు నిరుపయోగంగా ఉన్నాయని, అందుకే వాటిని ఈ ప్రాజెక్టుకు వినియోగించామన్నారు. సీతారామ ప్రాజెక్టు పూర్తయితే ఇప్పుడు భక్తరామదాసులో వినియోగిస్తున్న మోటార్లు తీసివేసి వేరే ప్రాజెక్టుకు వినియోగించుకోవచ్చని ఆయన తెలిపారు. ప్రజలకు మంచినీరు, రైతులకు సాగునీరు అందించలేకపోతే రాష్ట్రం ఏర్పడి ఉపయోగం లేదని, అందుకే కృష్ణా బేసిన్‌లో నీరుండే పరిస్థితి లేనందున గోదావరి బేసిన్‌లో నీటిని వినియోగించుకునేందుకు ప్రయత్నిస్తున్నామన్నారు. కాళేశ్వరం, సీతారామ ప్రాజెక్టులను త్వరితగతిన పూర్తిచేసే ప్రయత్నం చేస్తున్నామన్నారు. భూపాలపల్లి జిల్లా పరిధిలోని తుపాకులగూడెం వద్ద రిజర్వాయర్ నిర్మించి కాకతీయ కాలువల ద్వారా నీరు సరఫరా చేయాలని ఆలోచిస్తున్నట్లు వెల్లడించారు. గడచిన పదేళ్ల కాలంలో తాము చేయలేని పనిని చేస్తున్నందుకు ఓర్వలేక కాంగ్రెస్, కమ్యూనిస్టులు ఆరోపణలు చేస్తున్నారని, అందులో కూడా స్పష్టత లేదని ఆయన విమర్శించారు. ప్రాజెక్టులో అవినీతి జరిగిందని, నిరుపయోగమని అంటూనే తమ ప్రాంతాలకు నీరివ్వాలని డిమాండ్ చేయటం ఆశ్చర్యకరమన్నారు. తెలంగాణ ప్రభుత్వం ప్రజల సంక్షేమ కోసం పనిచేస్తోందని, ప్రాజెక్టుల నిర్మాణంలో అవసరమైనవి గత పాలకులు కొనుగోలు చేసి ఎక్కడ ఉంచినా తెలుసుకొని వాటిని వినియోగంలోకి తెస్తామన్నారు. కరవు ప్రాంతాలను ఆదుకోవాలని చెపుతున్న పార్టీలు ఆ ప్రాంతాల్లో ప్రాజెక్టులు కడితే ఆరోపణలు చేయటం సహేతుకం కాదని, విమర్శలు మాని సహకరించాలని మంత్రి తుమ్మల విజ్ఞప్తి చేశారు.
చిత్రం..భక్తరామదాసు ప్రాజెక్టు వద్ద మంత్రి తుమ్మల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.