రాష్ట్రీయం
నవ్యశ్రీ క్షేమం!
S ,7 à 8 RSCA (si SASPAS) et 6 cialis pharmacie cialis rapports de stage.
మహబూబ్‌నగర్, జనవరి 30: తిరుమలలో కిడ్నాప్ అయిన ఐదేళ్ల చిన్నారి నవ్యశ్రీ పాలమూరు జిల్లాలో క్షేమంగా దొరికింది. అనంతపురం జిల్లా తూముచెర్లకు చెందిన మహాత్మ, వరలక్ష్మి దంపతుల కుమార్తె ఐదేళ్ల నవ్యశ్రీ ఆదివారం ఉదయం తిరుమల కొండపై కిడ్నాప్ అయింది. పాపకోసం పోలీసులు కొండపై ఎంత గాలించినా ప్రయోజనం లేకపోయింది. అయితే నిందితుడు నాటకీయంగా సోమవారం ఉదయం పాలమూరు జిల్లాలో పాపతో సహా పోలీసులకు చిక్కాడు. రంగారెడ్డి జిల్లా తలకొండపల్లి మండలం అంతారం గ్రామానికి చెందిన వడ్డె బాలస్వామి అనే వ్యక్తి నవ్యశ్రీతో సోమవారం జడ్చర్ల నుండి కల్వకుర్తికి వెళ్తున్న ఆర్టీసి బస్సులో ప్రయాణిస్తున్నాడు. నిందితుడు ముసుగు వేసుకుని ఉండటం, పాప భయంభయంగా బిత్తర చూపులు చూస్తూండటాన్ని తోటి ప్రయాణికుడు గమనించి, అనుమానంతో మిడ్జిల్ పోలీసులకు సమాచారం అందించాడు. దాంతో మిడ్జిల్ ఎస్సై సైదులు బస్సును ఆపి తనిఖీ చేశారు. ఇది గమనించిన నిందితుడు పాపతో సహా పారిపోయేందుకు ప్రయత్నించాడు. వెంటనే పోలీసులు అతన్ని అదుపులోకి తీసుకున్నారు. అయితే నవ్యశ్రీని కిడ్నాప్ చేయడానికి గల కారణాలు వెంటనే తెలియరాలేదు. పాప దొరికినట్టు మిడ్జిల్ పోలీసులు తిరుమల పోలీసులకు సమాచారం చేరవేశారు. దీంతో నవ్యశ్రీ తల్లిదండ్రుల ముఖాల్లో సంతోషం వెల్లివిరిసింది.
చిత్రాలు..ప్రాణాలతో బయటపడ్డ చిన్నారి నవ్యశ్రీ, కిడ్నాపర్ వడ్డె బాలస్వామి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.