రాష్ట్రీయం
దాసరికి అస్వస్థత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 31:ప్రముఖ సినీ దర్శకుడు దాసరి నారాయణరావు తీవ్ర అస్వస్థతకు గురయ్యారు. ఆయనకు సికింద్రాబాద్‌లోని కిమ్స్ ఆస్పత్రిలో చికిత్స కొనసాగుతోంది. సోమవారం దాసరి అస్వస్థతకు గురి కావడంతో కుటుంబ సభ్యులు ఆయనను కిమ్స్‌లో చేర్పించారు. కిడ్నీ పనితీరు సక్రమంగా లేకపోవడంతో డాక్టర్లు డయాలసిస్ చేశారు. అలాగే ఊపిరితిత్తుల పనితీరు మందగించిందని, అన్నవాహిక ఇన్‌ఫెక్షన్‌కు గురైందని కిమ్స్ ఎండి, సిఇవో డాక్టర్ బొల్లినేని భాస్కర్ రావు మంగళవారం తెలిపారు. అన్నవాహికలో వచ్చిన ఇన్‌ఫెక్షన్ మూత్ర పిండాలకూ పాకిందని అన్నారు. శస్త్ర చికిత్స ద్వారా ఇన్‌ఫెక్షన్ తొలగించామని, ఇన్‌ఫెక్షన్ సోకిన చోట మెటల్ స్టంట్ వేశామని వివరించారు. దాసరికి ప్రస్తుతం వెంటిలెటర్ సాయంతో వైద్యం అందిస్తున్నామన్నారు. సోమవారం కంటే ఆరోగ్యం కంటే మెరుగ్గా ఉందని, మరో రెండు, మూడు రోజుల్లో బాగా కోలుకుంటారని డాక్టర్ భాస్కరరావు చెప్పారు. దాసరి నారాయణ రావును ఆసుపత్రిలో చేర్చిన విషయం తెలియగానే సినీ నటులు మోహన్‌బాబు, జయసుధ, అల్లు అరవింద్, మంచు మనోజ్, దర్శకుడు కె రాఘవేంద్ర రావు ఆసుపత్రికి చేరుకుని ఆయనను పరామర్శించారు. ఈ సందర్భంగా మోహన్‌బాబు మీడియాతో మాట్లాడుతూ తెలుగు చిత్ర పరిశ్రమలో ప్రతి ఒక్కరికీ దాసరి కావాల్సిన వ్యక్తి అని, ఆయన నిండునూరేళ్లూ ఆరోగ్యంగా ఉండాలని కోరుకుంటున్నానని అన్నారు. రాష్ట్ర మంత్రి తలసాని శ్రీనివాస్ యాదవ్ కూడా ఆసుపత్రికి వచ్చి దాసరి ఆరోగ్య పరిస్థితి గురించి డాక్టర్లను అడిగి తెలుసుకున్నారు.
చిత్రం..విలేఖరులతో మాట్లాడుతున్న కిమ్స్ ఎండి, సిఇవో డాక్టర్ బొల్లినేని భాస్కర్ రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.