రాష్ట్రీయం
పట్టు వదలని వేములఘాట్ వాసులు
S ,7 à 8 RSCA (si SASPAS) et 6 cialis pharmacie cialis rapports de stage.
సంగారెడ్డి, ఫిబ్రవరి 9: పోలీసులతో బెదిరింపులు, కేసులు బనాయింపులు, రాజీమార్గాలు రకరకాల ప్రయత్నాలు చేసినా ప్రభుత్వానికి ఏ మాత్రం లొంగిపోకుండా మల్లన్న సాగర్ రిజర్వాయర్ నిర్మాణం అసలే వద్దంటూ సిద్దిపేట జిల్లా తొగుట మండలం వేములఘాట్ గ్రామ ప్రజలు నిర్వహిస్తున్న రిలే నిరాహార దీక్షలు 250 రోజులు పూర్తి చేసుకున్నారు. 250 రోజుల దీక్షలు పూర్తి చేసుకున్న నేపథ్యంలో వివిధ రాజకీయ పార్టీలు, ప్రజాసంఘాలు, రైతు సంఘాల నాయకులు వచ్చి గ్రామస్తులకు సంఘీభావం తెలుపుతూ స్ఫూర్తిదాయకంగా నిలుస్తున్నారని అభినందనలు తెలిపారు. మల్లన్న సాగర్ రిజర్వాయర్ నిర్మాణం కోసం అవసరమైన భూ సేకరణ కార్యక్రమాన్ని అధికారులు ప్రారంభించగా తీవ్రంగా ప్రతిఘటించిన ఏటిగడ్డ కిష్టాపూర్ గ్రామస్థులు సైతం చల్లబడినా వేములఘాట్ ప్రజలు మాత్రం ఎంత మాత్రం వెనకడుగు వేయడం లేదు. రోజు వారిగా గ్రామానికి చెందిన ఐదుగురు వ్యక్తులు దీక్షల శిబిరానికి స్వచ్ఛందంగా తరలివచ్చి సాయంత్రం వరకు శిబిరంలో కూర్చుంటున్నారు. రాజీవ్ రహదారిని దిగ్భంధం చేయడానికి బయలుదేరిన ఆయా గ్రామాలకు చెందిన వారిపై పోలీసులు లాఠీచార్జి చేయడమే కాకుండా గాల్లోకి సైతం కాల్పులు జరిపి అన్ని గ్రామాల్లో 144 సెక్షన్ అమలు చేసిన విషయం తెలిసిందే.
పొలాలకు వెళ్లే రైతులను సైతం నిశితంగా పరిశీలించడమే కాకుండా చెక్‌పోస్టులు ఏర్పాటు చేసి గ్రామాలను పోలీసులు నిర్భందంలోకి తీసుకున్నారు. 123 జివోతో పాటు 2013 చట్టం, 2016 చట్టం ప్రకారంగా భూ సేకరణ చేస్తామన్నా తాము ఎట్టిపరిస్థితుల్లో భూములు ఇచ్చేది లేదని ఖరాకండీగా తేల్చిచెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.