రాష్ట్రీయం
అక్షరాస్యతతోనే అభివృద్ధి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 10: మహిళలు విద్యావంతులైనప్పుడే అభివృద్ధి సాధ్యమవుతుందని ప్రముఖ సినీతార మనీషా కోయిరాలా అభిప్రాయపడ్డారు. అన్ని రంగాలతోపాటు సినీ రంగంలోనూ మహిళల పట్ల వివక్ష కొనసాగుతోందని, తానే స్వయంగా ఈ వివక్షను ఎదుర్కొని కొంతమేరకు నష్టపోయానని, తన స్వానుభవాన్ని వివరించారు. పవిత్ర సంగమం వద్ద జరుగుతున్న జాతీయ మహిళా పార్లమెంట్ సదస్సులో ఆమె పాల్గొని ప్రసంగించారు. రెన్యూమరేషన్ పట్ల సినీ రంగంలో మహిళల పట్ల వివక్ష తీవ్రంగానే ఉందని దీన్ని తాను అనుభవించానని అన్నారు. తొలి రోజుల్లో అనేక ఇబ్బందులకు కూడా గురయ్యానంటూ వివక్ష వల్లనే సినిమాల్లో ఆశించిన ఆఫర్లు రాలేదన్నారు. దేశంలో మహిళా ఓటర్ల సంఖ్య 48 శాతంగా ఉంటే పార్లమెంటులో మహిళా ప్రజా ప్రతినిధుల సంఖ్య 11 శాతం మాత్రమే ఉండటం సబబుగా లేదన్నారు. మహిళలు ఏ అంశంలోనూ తక్కువ కాదనే వాస్తవాన్ని పురుష సమాజం గుర్తించాల్సి ఉందని అవసరమైతే మహిళలు ఆదిశక్తిగా, పరాశక్తిగా మారగలరంటూ సున్నితంగా హెచ్చరించారు. మగబిడ్డ పుడితే ఒకలా, ఆడబిడ్డ పుడితే మరోలా ఆలోచించే రోజులు పోయాయన్నారు. వినూత్నంగా ఆలోచిస్తే మంచి ఫలితాలొస్తాయని, మహిళల్లో సహజసిద్ధంగా ఉండే సృజనాత్మకత వారికి ఎన్నో అవకాశాలను కల్పిస్తుందంటూ ఈ అవకాశాలను నవీన మహిళలు అందిపుచ్చుకోవాలని పిలుపునిచ్చారు. మహిళా సాధికారత కోసం ఆంధ్రప్రదేశ్ ప్రభుత్వం ఎన్నో వ్యయప్రయాసల కోర్చి ఇలాంటి సదస్సులు నిర్వహించడం హర్షణీయమన్నారు. సామాజిక సమస్యల పట్ల మహిళలు ధైర్యంగా నిలబడి ఎదురు నిలువాల్సిన అవసరం ఉందన్నారు. నేటి సమాజంలో మహిళలకు వివక్షత ఉందని, మగబిడ్డ పుడితే సంతోషించే తల్లిదండ్రులు ఆడపిల్ల పుట్టగానే భారమంటూ జరుగుతున్న సంఘటన తనకే ఎదురైందన్నారు. తాను పుట్టగానే మా తాతగారు ఆడపిల్ల పుట్టిందా అంటూ బాధపడిన సంగతి అమ్మమ్మ ద్వారా తెలుసుకున్నానని తెలిపారు. ఇటువంటి పరిస్థితులు దేశంలో అన్ని ప్రాంతాల్లో ఉన్నాయన్నారు.
చిత్రం..సభలో ప్రసంగిస్తున్న నటి మనీషా కొయరాలా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.