రాష్ట్రీయం
జీవనోపాధి కోల్పోతే భారీ పరిహారం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 14: భూసేకరణ వల్ల భూమి కోల్పోయే వారికే కాకుండా వాటిపై ఆధారపడి జీవనోపాధి కోల్పోయే వారికి నష్టపరిహారం చెల్లించడానికి తెలంగాణ ప్రభుత్వం ప్రత్యేక విధి విధానాలను మంగళవారం ప్రకటించింది. ఈ మేరకు రెవిన్యూ శాఖ జీవో 38 జారీ చేసింది. భూసేకరణ వల్ల భూమి కోల్పోయే యజమానులకు మాత్రమే నష్ట పరిహారం చెల్లించడానికి విధివిధానాలు ఉన్నాయే తప్ప సదరు భూమిపై ఆధారపడి జీవనం సాగించే వారికి పరిహారం చెల్లించడం లేదని జీవో 123పై హైకోర్టు అభ్యంతరం వ్యక్తం చేసిన విషయం తెలిసిందే. ఈ నేపథ్యంలో భూసేకరణ వల్ల భూమి కోల్పోయే వారికే కాకుండా వాటిపై ఆధారపడి జీవనం సాగించే వారికి పరిహారం చెల్లించడానికి జీవో 38ని బుధవారం రెవిన్యూ శాఖ జారీ చేసింది. భూ యజమానులు కాని వారికి మాత్రమే ఇది వర్తిస్తుందని పేర్కొన్నారు. బాధితులను గుర్తించే బాధ్యతను జాయింట్ కలెక్టర్లకు అప్పగించినట్టు పేర్కొన్నారు. బాధిత కుటుంబానికి రూ.5.04 లక్షల వ్యయం చేసే డబుల్ బెడ్‌రూమ్ ఇల్లు ఇస్తారు. కుటుంబంలో ఒక్కరే ఉంటే ఇందిరా ఆవాస్ యోజన పథకం కింద రూ.లక్షా 25 వేలు చెల్లిస్తారు. వన్‌టైమ్ సెటిల్‌మెంట్ ప్రకారం డబుల్ బెడ్‌రూమ్‌తోపాటు రూ.5 లక్షలు కానీ, లేదా ఎస్సీ, ఎస్టీ కుటుంబాలు అయితే 20 ఏళ్లపాటు నెలకు రూ.3000 భృతి చెల్లిస్తారు. ఎస్సీ, ఎస్టీ వర్గాలకు చెందని వారికి 20 ఏళ్లపాటు నెలకు రూ.2500 చెల్లిస్తారు. ఎస్సీ, ఎస్టీ కుటుంబాలకు వన్ టైమ్ గ్రాంట్‌గా రూ.60 వేలు, ఇతరులకు రూ. 40 వేలు తొలి ఏడాది చెల్లిస్తారు. మరో చోటికి కుటుంబం తరలివెళ్లే పక్షంలో అదనంగా రవాణా చార్జీగా రూ.60 వేలు చెల్లిస్తారు. కులవృత్తిని జీవనాధారంగా కలిగిన వారికి వన్‌టైమ్ సెటిల్‌మెంట్ కింద రూ. 30 వేలు చెల్లిస్తారు. బాధితులకు భవిష్యత్తులో పరిశ్రమలలో స్థానికులైన వారికి ఉద్యోగం కల్పించడానికి పారిశ్రామిక విధానాన్ని రూపొందిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.