రాష్ట్రీయం
సిబిఐ సీజ్ చేసిన స్థలం విక్రయం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 16: ఓ కేసులో సీబీఐ సీజ్ చేసిన స్థలానే్న అమ్మేశాడో ప్రబుద్ధుడు. బాధితుడి ఫిర్యాదు మేరకు నిందితుడిని సిసిఎస్ పోలీసులు గురువారం అరెస్టు చేశారు. సిబిఐ సీజ్ చేసిన ఓ భూమిని ఎం సాంబశివరావు అనే వ్యక్తి బెంగుళూరుకు చెందిన ఓ ప్రశాంత్ శ్రీశైలం అనే పారిశ్రామికవేత్తకు రూ. 2కోట్లకు విక్రయించాడు. అతని ఫిర్యాదు మేరకు దర్యాప్తు జరిపిన పోలీసులు అతణ్ని అదుపులోకి తీసుకున్నారు. 1996లో జరిగిన రూ. 133 కోట్ల యూరియా స్కాంలో కూడా సాంబశివరావు నిందితుడు. కాగా అప్పట్లో నిందితుడు సాంబశివరావు తీహార్ జైలులో శిక్ష అనుభవించాడు. గుంటూరు జిల్లా ఏమినేనివారి పాలెంకు చెందిన ఎం సాబంశివరావు, వ్యవసాయంలో బిఎస్సీ పూర్తి చేశాడు. 1995లో టర్కిష్‌లోని కర్సన్ లిమిటెడ్ కంపెనీకి భారత ఏజెంట్‌గా నియమితుడై ఎరువులు సరఫరా చేసేవాడు. కేంద్రప్రభుత్వంతో ఎరువులు సరఫరా చేసేందుకు నేషనల్ ఫర్టిలైజర్స్ లిమిటెడ్‌తో ఒప్పందం కుదుర్చుకుని రూ. 133కోట్లు అవినీతికి పాల్పడ్డాడు. ఈ కేసును దర్యాప్తు చేసిన సిబిఐ అతణ్ని అరెస్టు చేసింది. 1996లో కేసు విచారణకు రాగా, సాంబశివరావుకు సంబంధించి హైదరాబాద్‌లోని రెండు ఎకరాల 20 గుంటల స్థలాన్ని సిబిఐ అధికారులు సీజ్ చేశారు. అప్పట్లో తీహార్ జైలుకు వెళ్లిన సాంబశివరావు బయటకు వచ్చి రియల్ ఎస్టేట్ వ్యాపారాన్ని ప్రారంభించాడు. సాయిశ్రీ ప్రాజెక్ట్స్ ప్రై.లి. పేరుతో బేగంపేట్‌లో ఆఫీస్‌ను ఏర్పాటు చేసుకొని మేనేజింగ్ డైరెక్టర్‌గా కొనసాగాడు. 2013లో బెంగుళూరుకు చెందిన ప్రశాంత్ శ్రీశైలం అనే వ్యాపారవేత్తతో సంబంధాలు పెంచుకుని సదరు సిబిఐ సీజ్ చేసిన 2.40 ఎకరాల స్థలాన్ని డెవలప్‌మెంట్ పేరుతో 70:30 వాటాగా ఒప్పందం కుదుర్చుకుని రూ. 1.89 కోట్లు తీసుకొని మోసం చేశాడని గురువారం సిసిఎస్ డిసిపి మోహంతి తెలిపారు. ప్రశాంత్ శ్రీశైలం ఫిర్యాదు మేరకు మణికొండలో సాంబశివరావును సిసిఎస్ పోలీసులు అరెస్టు చేసి జుడిషియల్ రిమాండ్‌కు తరలించినట్టు డిసిపి పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.