రాష్ట్రీయం
తెలుగు భాషాభివృద్ధి హామీలు అమలు చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 16: తెలుగు భాషాభివృద్ధికి ముఖ్యమంత్రి చంద్రబాబు నాయుడు ఇచ్చిన హామీలు వెంటనే అమలు చేయాలని, లేకుంటే ఈనెల 21న అంతర్జాతీయ మాతృ భాషా దినోత్సవం రోజు నుంచి ఇంటింటికి వెళ్లి తెలుగు భాషకు ప్రభుత్వం చేస్తున్న ద్రోహాన్ని వివరిస్తానని నేషనల్ హిందీ అకాడమీ అధ్యక్షుడు, పద్మభూషణ్ యార్లగడ్డ లక్ష్మీప్రసాద్ చెప్పారు. స్థానిక లోక్‌నాయక్ ఫౌండేషన్ కార్యాలయంలో గురువారం ఏర్పాటు చేసిన విలేఖరుల సమావేశంలో ఆయన మాట్లాడుతూ 2014 ఎన్నికల్లో టిడిపి విడుదల చేసిన మానిఫెస్టోలో తెలుగు భాషకు ప్రాధాన్యత ఇస్తానని పేర్కొన్నారని, చంద్రబాబు అధికారంలోకి వచ్చి మూడేళ్లు అవుతున్నా తెలుగు భాషాభివృద్ధికి కృషి చేయడం లేదని అన్నారు. ఒకటో తరగతి నుంచి ఇంటర్ వరకూ తెలుగు భాషకు ప్రాధాన్యత ఇవ్వలేదని ఆయన అన్నారు. నాలుగు వేల మున్సిపల్ పాఠశాలల్లో ఆంగ్ల భాషను దొడ్డి దారిన ప్రవేశపెట్టారని యార్లగడ్డ ఆవేదన వ్యక్తం చేశారు. ఆంధ్రప్రదేశ్‌లో కూచిపూడి, రాజమండ్రి, శ్రీశైలంలో తెలుగు విద్యాలయాలు ఉంటే, హైదరాబాద్, వరంగల్‌లో 16 ఉన్నాయని ఆయన చెప్పారు. మన రాష్ట్రంలో తెలుగు విద్యాలయాల్లో చేరాలకున్న వారికి ఏమేరకు సీట్లు లభిస్తాయని ఆయన ప్రశ్నించారు. ఆయా విద్యాలయాల్లో తెలుగు భాష పండిట్లుగా బయటకు వచ్చిన వారికి ఉపాధి అవకాశాలు ఉండడం లేదని లక్ష్మీప్రసాద్ అన్నారు. తెలుగు భాష పట్ల రాష్ట్ర ప్రభుత్వం చిన్నచూపు చూస్తోందని ఆయన అన్నారు. అందుకే ఈ నెల 21 నుంచి తను ఇంటింటికి వెళ్లి తెలుగు భాషకు ప్రభుత్వం చేస్తున్న వంచన గురించి వివరిస్తానని యార్లగడ్డ చెప్పారు. సమావేశంలో ప్రముఖ రచయిత కెఎస్ చలం మాట్లాడుతూ తెలుగు భాషను ప్రోత్సహిస్తూ, తెలుగు సంప్రదాయాలు, సంస్కృతిని పరిరక్షించుకోవాలని అన్నారు. రచయిత చందు సుబ్బారావు మాట్లాడుతూ ఆంధ్ర సంస్కృతి త్రిమూర్తులుగా గుర్తింపు పొందిన గిడుగు, గురజాడ, శ్రీశ్రీ అడుగు జాడల్లో నడుస్తూ, తెలుగు భాషా పరిరక్షణకు రాష్ట్ర ప్రభుత్వం కృషి చేయాలని అన్నారు. ప్రభుత్వం చర్యలు తీసుకోపోతే, తెలుగు అంతరించిపోయే ప్రమాదం ఉందని ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.