రాష్ట్రీయం
బడ్జెట్‌లో రూ.30 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 17: దేశం కోసం సైనికులు, సమాజం కోసం జర్నలిస్టులు చేస్తున్న కృషికి ప్రభుత్వం అండగా నిలిచి ఆదుకుంటుందని ముఖ్యమంత్రి కె చంద్రశేఖర్‌రావు అన్నారు. ఏటా జర్నలిస్టుల సంక్షేమానికి కేటాయించే నిధులను ఈసారి బడ్జెట్‌లో మూడు రెట్లు పెంచుతున్నట్టు ప్రకటించారు. ఇప్పటికే రూ.10 కోట్ల చొప్పున రెండేళ్లుగా సంక్షేమ నిధికి జమ చేశామని, ఈసారి బడ్జెట్‌లో రూ.30 కోట్లు కేటాయిస్తున్నట్టు ప్రకటించారు. తన 63వ జన్మదినం పురస్కరించుకుని ప్రగతి భవన్‌లో శుక్రవారం మరణించిన జర్నలిస్టు కుటుంబాలతో సమావేశమై జనహిత కార్యక్రమానికి ముఖ్యమంత్రి కెసిఆర్ శ్రీకారం చుట్టారు. మరణించిన జర్నలిస్టుల ఒక్కో కుటుంబానికి లక్ష చొప్పున సిఎం ఆర్థిక సాయం అందించారు. ఈ సందర్భంగా కెసిఆర్ మాట్లాడుతూ ఏ ఆధారంలేని జర్నలిస్టు కుటుంబాలను అన్ని విధాలుగా ఆదుకుంటామని, మరణించిన జర్నలిస్టు కుటుంబాల్లో పెళ్లీడుకొచ్చిన ఆడపిల్లలుంటే వారి వివాహాలకు రూ. 3లక్షల చొప్పున ఆర్థిక సాయం అందిస్తామన్నారు. మరణించిన జర్నలిస్టుల కుటుంబానికి ఇళ్లులేని వారికి వారి సొంత జిల్లాల్లో వెంటనే డబుల్ బెడ్‌రూమ్ ఇళ్లు మంజూరు చేయాల్సిందిగా అధికారులను ఆదేశించినట్టు చెప్పారు. రాష్టవ్య్రాప్తంగా 20 వేలమంది జర్నలిస్టులకు ఎక్కడికక్కడై ఇళ్ళ స్థలాలు ఇవ్వబోతున్నట్టు ప్రకటించారు. జర్నలిస్టుల పరిస్థితి పైన పటారం లోన లోటారంలా ఉందని, తమ ప్రభుత్వం వారి సంక్షేమంపై ప్రత్యేక శ్రద్ధ పెడుతుందని ప్రకటించారు. జర్నలిస్టులకు ఏవైనా ఆర్థికభారమైన ఆరోగ్య సమస్యలుంటే ప్రెస్ అకాడమీ ద్వారా తన దృష్టికి తీసుకురావాలని సూచించారు. మరణించిన జర్నలిస్టు కుటుంబాలతో ముఖ్యమంత్రి స్వయంగా మాట్లాడి వారి సమస్యలు అడిగి తెలుసుకున్నారు. ప్రెస్ అకాడమీ చైర్మన్ అల్లం నారాయణ జర్నలిస్టుల సంక్షేమం కోసం చేస్తున్న కృషిని సిఎం అభినందించారు.
చిత్రం..జర్నలిస్ట్ కుటుంబాలకు లక్ష రూపాయల చెక్కులు అందిస్తున్న సిఎం కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.