రాష్ట్రీయం
ఆంధ్రా ప్రవేశపరీక్షల షెడ్యూలు ఖరారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 17: ఆంధ్రప్రదేశ్‌లో ప్రవేశపరీక్షల షెడ్యూలు ఖరారు చేసినట్టు ఉన్నత విద్యా మండలి చైర్మన్ డాక్టర్ ఎస్ విజయరాజు తెలిపారు. ప్రవేశపరీక్షల తేదీలు, చైర్మన్లు, కన్వీనర్లను ఖరారుచేశామని ఆయన శుక్రవారం చెప్పారు. పిజిఇసెట్ మినహా అన్ని ప్రవేశపరీక్షలకు ఏప్రిల్‌లో నోటిఫికేషన్లు ఇస్తామని పేర్కొన్నారు. ఎపి ఇసెట్ నోటిఫికేషన్‌ను 19న , ఐసెట్ నోటిఫికేషన్‌ను 27న, పిజి ఇసెట్ నోటిఫికేషన్ మార్చి 1న, పిఇసెట్ నోటిఫికేషన్‌ను ఫిబ్రవరి 20న విడుదల చేస్తామని పేర్కొన్నారు. ఎమ్సెట్ నోటిఫికేషన్‌ను 8న, లాసెట్ నోటిఫికేషన్‌ను 12న జారీ చేశామని ఆయన చెప్పారు. ఇసెట్ దరఖాస్తులను 27నుండి మార్చి 30 వరకు, అపరాధ రుసుంతో ఏప్రిల్ 20 వరకూ స్వీకరిస్తామని పేర్కొన్నారు. మే 3న ఆన్‌లైన్ పరీక్ష జరుగుతుంది. ఐసెట్ దరఖాస్తులు మార్చి 1 నుండి ఏప్రిల్ 5 వరకు, జరిమానాతో26 వరకూ స్వీకరిస్తామని చెప్పారు. ఎపిపిజిఇసెట్‌కు మార్చి 3 నుండి దరఖాస్తులు ఏప్రిల్ 6 వరకూ స్వీకరిస్తామని, జరిమానాతో ఏప్రిల్ 28 వరకూ స్వీకరిస్తామని చెప్పారు. ఎపి ఎడ్‌సెట్‌కు ఈనెల 22 నుండి మార్చి 22 వరకు, జరిమానాతో ఏప్రిల్ 15 వరకూ దరఖాస్తులు స్వీకరిస్తామని, పరీక్ష ఏప్రిల్ 19న జరుగుతుందని అన్నారు. ఎపి లాసెట్‌కు ఫిబ్రవరి 18 నుండి మార్చి 18 వరకు, జరిమానాతో ఏప్రిల్ 17 వరకూ దరఖాస్తులను అనుమతిస్తామని, పరీక్ష ఏప్రిల్ 19న జరుగుతుందని వివరించారు. ఎపిపిఇసెట్‌కు మార్చి 8 నుండి ఏప్రిల్ 7వ తేదీ వరకూ దరఖాస్తులు స్వీకరిస్తామని, జరిమానాతో ఏప్రిల్ 14 వరకూ అనుమతిస్తామని, పరీక్ష మే 1న జరుగుతుందని వివరించారు. అన్ని ప్రవేశపరీక్షలకు వెబ్‌పోర్టల్స్ ఏర్పాటు చేశామని తెలిపారు. ఎపి ఎమ్సెట్‌కు ప్రొఫెసర్ సిహెచ్ సాయిబాబు, పిఇసెట్‌కు ప్రొఫెసర్ పి ఆర్ భానుమూర్తి, ఐసెట్‌కు ప్రొఫెసర్ బి సుధీర్, పిజిఇసెట్‌కు ప్రొఫెసర్ పి ఎస్ అవధాని, ఎడ్‌సెట్‌కు ప్రొఫెసర్ రంగనాథన్, లాసెట్‌కు ఆర్ జి బి భగవంత్ కుమార్, పిఇసెట్‌కు జాన్సన్‌లు కన్వీనర్లుగా వ్యవహరిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.