రాష్ట్రీయం
తిరుపతిలో కెసిఆర్‌కు స్వాగత ఏర్పాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
రేణిగుంట, ఫిబ్రవరి 20: తెలంగాణ ముఖ్యమంత్రి కె చంద్రశేఖరరావు రెండు రోజుల తిరుమల, తిరుపతి పర్యటన సందర్భంగా రేణిగుంట నుంచి తిరుపతి వరకు స్వాగత బ్యానర్లు, కటౌట్లు, వాల్‌పోస్టర్లు వెలిశాయి. తమిళనాడు తెలుగు వ్యవస్థాపక అధ్యక్షుడు కేతిరెడ్డి జగదీశ్వర్‌రెడ్డి, కార్యదర్శి శేష ప్రసాద్ చౌదరి తిరుపతి నుంచి రేణిగుంట విమానాశ్రయం వరకు రోడ్డుకు ఇరువైపులా కెసిఆర్ పోస్టర్లు, బ్యానర్లు, కటౌట్లు భారీగా ఏర్పాటు చేశారు. కాగా రేణిగుంట రమణావిలాస్ కూడలి, విమానాశ్రయ కూడలిలో వెలిసిన కెసిఆర్ స్వాగత బ్యానర్లను, తిరుపతిలో రహదారి వెంబడి అంటించిన పోస్టర్లను తహశీల్దార్ ఆదేశాల మేరకు రెవెన్యూ అధికారులు తొలగించారు. ఇది వివాదానికి దారితీసింది. కెసిఆర్‌కు స్వాగతం పలకడం తప్పా అని అభిమానులు ప్రశ్నిస్తుంటే, ఎమ్మెల్సీ ఎన్నికల కోడ్ కారణంగాను, నిబంధనలు పాటించనందుకే తొలగించామని అధికారులు చెప్తున్నారు. ఈ సందర్భంగా కెసిఆర్ అభిమానులకు, తహశీల్దార్‌కు మధ్య వాగ్వాదం చోటుచేసుకుంది. కెసిఆర్ అభిమాని కేతిరెడ్డి జగదీశ్వర్‌రెడ్డి మీడియాతో మాట్లాడుతూ కెసిఆర్ తిరుమల పర్యటనను రాజకీయం చేస్తున్నారని ఆరోపించారు. కేవలం చంద్రబాబు మెప్పు పొందేందుకు కలెక్టర్ రెవెన్యూ అధికారులకు ఆదేశించి ఇటువంటి దుశ్చర్యకు పాల్పడ్డారని మండిపడ్డారు. ఇది తెలుగు రాష్ట్రాలకు మంచి సంప్రదాయం కాదని, ఇచ్చిపుచ్చుకునే సంప్రదాయాన్ని కొనసాగిస్తే తెలుగు రాష్ట్రాలు అభివృద్ధి చెందుతాయని అన్నారు. ఈ విషయంపై చంద్రబాబు విచారణ చేపట్టి జిల్లాకలెక్టర్, పిఆర్‌వో, డిస్ట్రిక్ రెవెన్యూ ఆఫీసర్, స్థానిక తహశీల్దార్‌పై చర్యలు తీసుకోవాలని డిమాండ్ చేశారు. కాగా ఈ విషయంపై రేణిగుంట తహశీల్దార్ రాజగోపాల్ వివరణ ఇస్తూ జిల్లా కలెక్టర్, జిల్లా రెవెన్యూ ఆఫీసర్ ఆదేశాల మేరకు ఎన్నికల కోడ్ అమలులో ఉన్నందువల్ల విమానాశ్రయ సమీపాల్లో స్వాగత బ్యానర్లు తొలగించామని స్పష్టం చేశారు. ప్రభుత్వ స్థలాల్లో విద్యుత్ స్తంభాలకు స్వాగత బ్యానర్లు అమర్చకూడదని, అందుకే తొలగించామని చెప్పారు. ప్రైవేటు ప్రాపర్టీస్‌లో, ప్రైవేటు భవనాల్లో పంచాయతీకి సంబంధించిన భూముల్లో ఆయా యజమానులు, ఆయా కార్యదర్శుల వద్ద పన్నులు చెల్లించి బ్యానర్లు పెట్టుకోవచ్చని తెలిపారు. తెలంగాణ సిఎంకు స్వాగతం పలకదలచినవారు ఈ నిబంధనలు పాటించలేదని, ఎన్నికల కోడ్‌ను పట్టించుకోలేదని వివరించారు.
చిత్రం..కెసిఆర్ స్వాగత పోస్టర్లను చించేసిన దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.