రాష్ట్రీయం
ఉమ్మడి ఆస్తుల రగడ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 21: హైదరాబాద్‌లో ఉన్న ప్రభుత్వ రంగ సంస్థల వివరాలను ఆంధ్ర, తెలంగాణ రాష్ట్రాలు కేంద్ర హోంశాఖకు సమర్పించాయి. రాష్ట్ర విభజన జరిగినప్పటి నుంచి 9, 10 షెడ్యూల్‌లోని ఆస్తుల విభజనపై రెండు రాష్ట్రాలు ఇంతవరకు ఏకాభిప్రాయానికి రాకపోవడంతో, కేంద్ర హోంశాఖ రంగప్రవేశం చేసింది. వచ్చే నెలలో హోంశాఖ వద్ద రెండు రాష్ట్రాల అధికారులను సమావేశానికి హాజరుకావాలని వర్తమానం పంపారు. 9వ షెడ్యూల్‌లో ఉన్న ఏపిఎస్ ఆర్టీసి, ఏపి ఆగ్రోస్, ఏపి జెన్కో, ఏపి డెయిరీ డెవలప్‌మెంట్ కార్పొరేషన్, ఏపి ఫుడ్స్ సంస్థల విభజనపై వివాదం నెలకొంది. సంస్థల భవనాల విలువ రూ. 3 వేల కోట్ల వరకు ఉంటుంది. ఏపి, తెలంగాణ జనాభా నిష్పత్తి 58:42 మేరకు ఆస్తుల విభజనకు అంగీకరిస్తామని, కాని ఆస్తుల పంపకం ప్రధాన కార్యాలయాల వరకే పరిమితమని, వాటి అనుబంధంగా ఉన్న భూములు, స్ధలాలు, శిక్షణ సంస్ధలు, ఇతర ఆస్తులకు ఈ సూత్రం వర్తించదని తెలంగాణ ప్రభుత్వం కేంద్రానికి తెలిపింది. అన్ని ఆస్తులను జనాభా నిష్పత్తి మేరకు విభజించాలన్న ఏపి ప్రతిపాదనకు అంగీకరించమని తెలంగాణ ప్రభుత్వం కేంద్రానికి నివేదించింది.
కాగా సుప్రీం కోర్టు గత ఏడాది ఏపీ ఉన్నత విద్యామండలి విషయంలో ఇచ్చిన తీర్పును పాటించాలని ఆంధ్ర కోరుతోంది. ఆస్తుల పంపకానికి జనాభా నిష్పత్తిని సూత్రంగా తీసుకోవాలని కోర్టు పేర్కొంది. ఈ తీర్పు ప్రకారం హైదరాబాద్‌లోని 17 ప్రభుత్వ రంగ సంస్థల వివరాలను ఏపి ప్రభుత్వం కేంద్రానికి సమర్పించింది. ఆర్టీసి, ఆగ్రోస్, ఫుడ్స్, ఏపిఐడిసి, ఏపిడిడిసి, వుమెన్స్ కో ఆపరేటివ్ ఫైనాన్స్ కార్పోరేషన్, హౌసింగ్ కార్పోరేషన్, మినరల్ డెవలప్‌మెంట్ కార్పోరేషన్, పర్యాటక అభివృద్ధి సంస్ధ, వికలాంగుల సంస్ధ, క్రీడాభివృద్ధి సంస్ధ, ట్రాన్స్‌కో, జెన్కో, సెంట్రల్ పవర్ డిస్ట్రిబ్యూషన్ సంస్ధ, ఈస్ట్రన్ పవర్ డిస్ట్రిబ్యూషన్ సంస్ధ, ఏపి ఫిల్మ్, టెలివిజన్ థియేటర్ డెవలప్‌మెంట్ సంస్ధ వివరాలను కేంద్రానికి ఏపి ఇచ్చింది. 9వ షెడ్యూల్‌లో మొత్తం 91 సంస్థలున్నాయి. కేంద్రం నియమించిన షీలా బేడీ కమిటీ ఇంతవరకు 61 సంస్థల విభజనను పూర్తి చేసింది. కాని ఉద్యోగుల పంపకాన్ని పూర్తి చేయలేదు. ఈ కమిటీ కాలపరిమితి రెండు సార్లు పొడిగించగా, జనవరితో ముగిసింది. మూడోసారి పొడిగించాలని ఏపి కేంద్రాన్ని కోరింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.