రాష్ట్రీయం
ఊరు విడిచి వనానికి..
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, ఫిబ్రవరి 21: సాంకేతికతను వినియోగించుకుని ప్రపంచాన్ని జయిస్తున్న రోజుల్లో ఇంకా మూఢ నమ్మకాలు ప్రజల వెన్నంటే ఉన్నాయి. ఆధునిక సాంకేతికత పెరుగుతున్న స్థాయిలోనే మూఢ నమ్మకాలు కూడా పెరుగుతున్నాయి. తెలంగాణ రాష్ట్రం ఖమ్మం జిల్లాలోని ఓ గ్రామానికి చెందిన ప్రజలు తమ గ్రామానికి కీడు వచ్చిందంటూ అందరూ కలిసి ఊరు విడిచి వనానికి తరలారు. ఖమ్మం రూరల్ మండలం ఏదులాపురం గ్రామ శివారులోని వరంగల్ క్రాస్ రోడ్డు వద్ద గత మంగళవారం ఒక మహిళ చనిపోయింది. అనంతరం వరుసగా మరో ఐదుగురు వివిధ కారణాలతో మరణించారు. గడిచిన రెండు నెలల్లో 20 మంది వరకు చనిపోయినట్లు స్థానికులు చెబుతున్నారు. ఈ సమాచారం స్థానిక పూజారితో పాటు కొందరు పెద్దలకు వివరించారు. వారంతా కలిసి పూజారులు, సిద్ధాంతులతో చర్చించారు. గ్రామానికి కీడు వచ్చిందని, శాంతి చేయాల్సిన అవసరం ఉందని, ఇందుకోసం సూర్యోదయం నుంచి సూర్యాస్తమయం వరకు గ్రామంలోని ఏ ఇంటిలో దీపం వెలగకూడదని, పొయ్యి వెలగకూడదని, అందరూ వనానికి వెళ్ళి అక్కడే వండుకుని ఉండాలని సూచించారు. చెప్పిందే తడవుగా గ్రామస్థులంతా సామూహికంగా మంగళవారం గ్రామాన్ని వదిలి సమీపంలోని మామిడి తోటకు వెళ్ళారు. అక్కడే వండుకు తిని సూర్యాస్తమయం అయిన తర్వాత గ్రామానికి చేరారు. తమ గ్రామానికి కీడు జరిగిందని, అందుకు గ్రామంలో ఒకరొకరుగా చనిపోతున్నారని ఆవేదన వ్యక్తం చేశారు. కమ్యూనిస్టు పార్టీకి కంచుకోటగా ఉన్న ఈ గ్రామంలో మూఢ నమ్మకాలను పారదోలేందుకు గతంలో అనేక అవగాహన కార్యక్రమాలు జరిగాయి. ఖమ్మం నగరానికి ఆనుకుని ఉన్న ఈ ప్రాంతంలో ఈ తరహా కార్యక్రమం జరగడం ఇదే ప్రథమం. అయితే దీనిపై హేతువాద సంఘాల నేతలు మాత్రం ప్రజలను పక్కదోవ పట్టిస్తున్నారని, వారిలో లేని భయాన్ని సృష్టిస్తున్నారని ఆరోపించారు. త్వరలోనే ఆ గ్రామానికి వెళ్ళి వారిలో అవగాహన కల్పిస్తామన్నారు.
తోటలో వంటావార్పు చేసుకుంటున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.