రాష్ట్రీయం
పద్దులపై స్పష్టత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 26: కేంద్ర ప్రభుత్వ మార్గదర్శకాలకు అనుగుణంగా బడ్జెట్ ప్రతిపాదనలపై కొనసాగుతున్న కసరత్తు రెండు రోజుల్లో కొలిక్కి రానుంది. బడ్జెట్ ప్రతిపాదనలపై ప్రగతి భవన్‌లో ఆదివారం ఆర్థిక మంత్రి ఈటల రాజేందర్, ఆ శాఖ ఉన్నతాధికారులు, ఇతర శాఖల మంత్రులతో ముఖ్యమంత్రి కెసిఆర్ కసరత్తు చేశారు. సోమవారం సాయంత్రానికి బడ్జెట్ ప్రతిపాదనల అంచనా ఒక కొలిక్కి వచ్చే అవకాశం ఉందని అధికార వర్గాల సమాచారం. ఇలా ఉండగా ప్రణాళిక, ప్రణాళికేతర పద్దులుగా గతంలో బడ్జెట్‌ను ప్రతిపాదించడం అనవాయితీ. అయితే నీతి అయోగ్ సూచనల మేరకు వీటి స్థానంలో ప్రగతి పద్దు, నిర్వహణ పద్దు అనే రెండు పద్దులు మాత్రమే ఇక నుంచి ఉండాలని కేంద్రం రాష్ట్రాలకు సూచించింది. కేంద్ర మార్గదర్శకాలకు అనుగుణంగా రాష్ట్ర బడ్జెట్ స్వరూపం మారింది. ప్రగతి పద్దు కింద (అభివృద్ధి, సంక్షేమ కార్యక్రమాలు), నిర్వహణ పద్దు కింద (ఉద్యోగుల జీత భత్యాలు, ప్రభుత్వ కార్యకలాపాల నిర్వహణ వ్యయం, రుణాలపై వడ్డీలు) కేటాయింపులతో రాష్ట్ర బడ్జెట్ రూపుదిద్దుకుంటుంది.
వచ్చే బడ్జెట్ దాదాపు రూ. లక్షా 40 వేల కోట్ల మేరకు ఉండవచ్చని ముఖ్యమంత్రి కెసిఆర్ సంకేతం ఇచ్చారు. ఇది 2016-17 బడ్జెట్ అంచనా కంటే రూ. 10 వేల కోట్లు ఎక్కువ. 2015-16 వార్షిక బడ్జెట్ అంచనా రూ.1,15,689 కోట్లు కాగా 2016-17లో రూ.1,30,416 కోట్లకు ప్రతిపాదించారు. ఈ రెండు వార్షిక బడ్జెట్లలో పెరుగుదల 15 వేల కోట్లు కాగా ఈ ఏడాది నోట్ల రద్దు ప్రభావం వల్ల 10 వేల కోట్ల పెరుగుదలతో ప్రతిపాదించనున్నట్టు సమాచారం.
రూ.1,40,000 కోట్ల బడ్జెట్‌లో ప్రగతి పద్దు సుమారు లక్ష కోట్లు, నిర్వహణ పద్దు రూ.40 వేల కోట్లుగా ప్రతిపాదించనున్నట్టు సమాచారం. ప్రగతి పద్దు కింద నీటిపారుదల రంగానికి రూ.25 వేల కోట్లు, ఎస్‌సి, ఎస్‌టి, మైనార్టీ సంక్షేమానికి రూ.15 వేల కోట్లు, బిసి సంక్షేమానికి రూ.12 వేల కోట్లు కేటాయించవచ్చని తెలుస్తోంది. రోడ్లు భవనాల శాఖ సుమారు రూ.8500 కోట్లు, వైద్య ఆరోగ్యశాఖ రూ.7000 కోట్లు, పంచాయతీరాజ్, గ్రామీణాభివృద్ధిశాఖ రూ.7000 కోట్లు, వ్యవసాయశాఖ రూ.7000 కోట్లు (రూ.4200 కోట్లు పంట రుణాల మాఫీ చివరి వాయిదా), విద్యాశాఖ రూ.9000 కోట్లు, ముఖ్యమంత్రి ప్రత్యేక అభివృద్ధి నిధి కింద రూ.5000 కోట్లు కలిపి లక్ష కోట్లుగా ప్రతిపాదించనున్నట్టు తెలిసింది. ఇక నిర్వహణ పద్దు కింద రాష్ట్ర ప్రభుత్వం చేసిన అప్పులపై వడ్డీలకు గాను ఏటా రూ.7000 కోట్లు, కేంద్ర ప్రభుత్వ ఉదయ్ పథకంలో రాష్ట్రం చేరడం వల్ల ట్రాన్స్‌కో, జెన్కో అప్పుల భారం రూ. 8,923 కోట్లను చెల్లించాల్సి ఉంది. ఉద్యోగుల జీత భత్యాలు, పెన్షన్లకు కలిపి నెలకు రూ.2500 కోట్ల చొప్పున ఏడాదికి రూ.30 వేల కోట్లు ఖర్చు అవుతుంది. వీటితో పాటుగా ప్రభుత్వ కార్యాలయాల నిర్వహణ, కార్యకలాపాల వ్యయాన్ని కలిపి రూ. 40 వేల నుంచి 45 వేల కోట్లుగా ప్రతిపాదించనున్నట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.