రాష్ట్రీయం
నీళ్లకోసం మళ్లీ పేచీ!
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ/ నాగార్జున సాగర్, ఫిబ్రవరి 28: నాగార్జునసాగర్ జలాశయం నుంచి కృష్ణా కుడి కాల్వకు నీటి విడుదల విషయంలో తెలుగు రాష్ట్రాల మధ్య మరోసారి పేచీ తలెత్తింది. వాటా జలాలు పూర్తిగా వదల్లేదని ఆంధ్ర, కోటా పూరె్తైందని తెలంగాణ ఇరిగేషన్ అధికారులు మంగళవారం వాగ్వాదానికి దిగారు. గత ఏడాది ఇదే పరిస్థితి తలెత్తి పోలీసులే బాహాబాహీకి దిగడం తెలిసిందే. కృష్ణా యాజమాన్య బోర్డు నిర్ణయం ప్రకారం రోజుకు 6 వేల క్యూసెక్కుల సగటున 17 టిఎంసి జలాలు వదలాల్సి ఉంది. ఫిబ్రవరి 3నుంచి మొదలైన ప్రక్రియ ఈరోజుతో పూరె్తైంది. దీంతో తెలంగాణ ఇరిగేషన్ ఉన్నతాధికారుల ఆదేశాల మేరకు సాగర్ డ్యాం అధికారులు నీటి విడుదలను క్రమేపీ తగ్గిస్తూ వచ్చారు. సమాచారం తెలుసుకున్న సాగర్ ప్రాజెక్టు ఆంధ్ర చీఫ్ ఇంజనీర్ వీరరాజు ఆధ్వర్యంలో ఎస్‌ఇ, డిఇ, ఇఇలు సాగర్ డ్యాం కంట్రోల్ రూంకు చేరుకున్నారు. కుడి కాల్వకు నీటి విడుదల నిలిపేస్తే సహించేది లేదని తెలంగాణ ఇరిగేషన్ అధికారులతో వాగ్వాదానికి దిగారు. బోర్డు నిర్ణయం ప్రకారం 17 టిఎంసి విడుదల పూర్తికాలేదని వాదనకు దిగారు. కేటాయింపుల ప్రకారం నీటి విడుదల పూరె్తైందని, శ్రీశైలం నుంచి సాగర్‌కు జలాలు చేరుకునే క్రమంలో ఆవిరవుతున్న నీటిని సైతం లెక్కల్లోకి తీసుకున్నామని తెలంగాణ అధికారులు బదులిచ్చారు. రెండు రాష్ట్రాల డ్యాం అధికారుల మధ్య ఉదయం 11 గంటల నుంచి రాత్రి 7 గంటల వరకు వాగ్వాదాలు కొనసాగాయి. తెలంగాణ అధికారులు నీటి విడుదలకు నిరాకరిస్తే, తామే స్వయంగా విడుదల చేసుకుంటామంటూ ఆంధ్ర అధికార్లు భీష్మించారు. డ్యాం కంట్రోల్ రూంవద్దకు మీడియాను అనుమతించకపోవడంతో, ఏం జరుగుతుందో అర్థంకాని ఉత్కంఠ తలెత్తింది. అదే సమయంలో తెరాస నేతలు సాగర్ ప్రధాన డ్యాంవద్దకు చేరుకోవడంతో ఉద్రిక్త పరిస్థితులు కనిపించాయి.
చివరకు సాగర్ డ్యాం ఎస్‌ఇ రమేష్ ప్రకటనతో వివాదం సద్దుమణిగింది. తెలంగాణ ఇరిగేషన్ అధికారుల ఆదేశాల మేరకు ప్రస్తుతం ఆంధ్ర అధికారులు కోరినట్టే జలాల విడుదల కొనసాగిస్తామని, ఉద్రిక్తత నివారించేందుకు ఈ నిర్ణయం తీసుకున్నట్టు ప్రకటించారు. కుడి కాల్వకు నీటి విడుదల కొనసాగడంతో, ఆంధ్ర అధికారులు కంట్రోల్ రూంనుంచి నిష్క్రమించారు.
వివాదంపై సాగర్ డ్యాం సిఇ మాట్లాడుతూ కుడి కాల్వకు విడుదల చేయాల్సిన జలాలు పూర్తిగా ఇచ్చేసినా, ఆంధ్ర అధికారుల వాగ్వాదాలకు దిగారని అన్నారు. ఉద్రిక్తతలకు తావివ్వకూడదనే జలాలు విడుదల చేస్తున్నామని, దీనిపై తెలంగాణ సర్కారు, కృష్ణా బోర్డుతో చర్చించి తదుపరి నిర్ణయం తీసుకుంటామన్నారు. ప్రస్తుతం కుడి కాల్వకు నీటి విడుదల కొనసాగుతున్నా, మరోదఫా ఆంధ్రకు ఇవ్వాల్సిన ఐదు టిఎంసిలో అదనపు పరిమాణాన్ని లెక్కల్లోకి తీసుకుంటామని అన్నారు.
చిత్రం..రెండు రాష్ట్రాల డ్యాం అధికారుల మధ్య వాగ్వాదం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.