రాష్ట్రీయం
ఎంత కష్టం!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మార్చి 2:ఇంటర్ పరీక్షల్లో మంచి మార్కులు తెచ్చుకోవాలన్నది ఆ విద్యార్థి లక్ష్యం. అయితే అనుకోకుండా తండ్రి హఠాన్మరణం ఆ విద్యార్థిని దుఃఖ సాగరంలో ముంచేసింది. ఉదయం పరీక్ష రాసి, మధ్యాహ్నం తండ్రికి అంత్యక్రియలు నిర్వహించి తన ధర్మాన్ని పాటించాడు. ఈ సంఘటన స్థానికులను కంటతడిపెట్టించింది. విశాఖ నగరంలోని కుమ్మరివీధికి చెందిన ఎ రామకృష్ణకు ఇద్దరు కుమారులు. పెద్ద కుమారుడు లోకేష్ ఇంటర్ రెండో సంవత్సరం చదువుతున్నాడు. ఎంవిపి కాలనీలో లోకేష్ పరీక్ష రాయాల్సిన కళాశాలను చూపించి తిరిగి ఇంటికి వచ్చిన రామకృష్ణ ఒక్కసారిగా కుప్పకూలిపోయాడు. దీంతో బంధువులు హుటాహుటిన ఆసుపత్రికి తరలించారు. గుండెపోటుతో రామకృష్ణ అప్పటికే మృతి చెందినట్టు వైద్యులు నిర్ధారించారు. రాత్రంతా తండ్రి మృతదేహం వద్ద విలపించిన లోకేష్ గురువారం ఉదయం ఇంటర్ పరీక్ష రాసి, మధ్యాహ్నం తండ్రి అంత్యక్రియల్లో పాల్గొన్నాడు. తండ్రి రామకృష్ణ ప్రైవేటు సంస్థలో ఉద్యోగి, సాధారణ కుటుంబం కావడంతో ఇప్పుడు భారం లోకేష్‌పై పడింది. కష్టపడి చదువుకుని, ఉన్నత శిఖరాలు అందుకోవాలనుకున్న లోకేష్‌పై ఇప్పుడే కుటుంబ భారం పడటం బాధాకరం.
చిత్రం..తండ్రి మృతదేహానికి అంతిమ సంస్కారాలు పూర్తి చేస్తున్న తనయుడు లోకేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.