రాష్ట్రీయం
10నుంచి బడ్జెట్ భేటీ?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 2:బడ్జెట్ సమావేశాలు ముందు అనుకున్నట్టుగా ఈ నెల 8వ తేదీన కాకుండా రెండు రోజులు ఆలస్యంగా 10 తేదీ నుంచి ప్రారంభం కానున్నాయని తాజా సమాచారం. బడ్జెట్ సమావేశాలను తప్పనిసరిగా 18 రోజులు నిర్వహించాలన్న నిబంధన ఏమీ లేకపోవడంతో ఈసారి 16 రోజులు మాత్రమే కొనసాగించే అవకాశం ఉందని అధికార వర్గాల సమాచారం. అసెంబ్లీ బడ్జెట్ సమావేశాలపై గవర్నర్ నోటిఫికేషన్ రెండు రోజులలో విడుదలయ్యే అవకాశం ఉందని సమాచారం. ఈనెల 10న బడ్జెట్ సమావేశాలను పురస్కరించుకుని గవర్నర్ ఉభయ సభలను ఉద్దేశించి ప్రసంగిస్తారు. 11న గవర్నర్ ప్రసంగానికి ధన్యవాదాలు తెలిపే తీర్మానం ఆమోదిస్తారు. 12న ఆదివారం సెలవురోజు కావడంతో 13న సోమవారం సభలో బడ్జెట్‌ను ప్రవేశపెట్టే అవకాశం ఉందని ఈ వర్గాల సమాచారం. బడ్జెట్‌పై అధ్యయనం చేయడానికి 14వ తేదీన సభకు సెలవు ప్రకటించి 15వ తేదీ నుంచి బడ్జెట్ పద్దులపై వారం రోజులు చర్చ జరిగిన అనంతరం 23వ తేదీన ద్రవ్య వినిమయ బిల్లుకు ఆమోదించనున్నట్టు తెలిసింది. బడ్జెట్‌కు ఆమోదం పొందిన తర్వాత సభను రెండు రోజులు మాత్రమే కొనసాగించే పక్షంలో 25వ తేదిన, నాలుగు రోజులు కొనసాగించే పక్షంలో 28న సభను నిరవధికంగా వాయిదా వేసే అవకాశం ఉందని తెలిసింది. బడ్జెట్ సమావేశాలను ఎన్ని రోజుల పాటు నిర్వహించాలన్నది ఈ నెల 10వ తేదీన జరుగనున్న బిజినెస్ అడ్వయిజరీ కమిటీ (బిఎసి) సమావేశంలో ఖరారు అవుతుందని తెలిసింది. తెలంగాణ రాష్ట్రం జూన్ 2, 2014లో అవిర్భవించడంతో ఆ ఏడాదికి సంబంధించిన బడ్జెట్ సమావేశాలు 16 రోజులు మాత్రమే జరిగినట్టు ఈ వర్గాలు ఉటంకిస్తున్నాయి. ఇలా ఉండగా ఈ నెల 28న బడ్జెట్‌ను ఆమోదించి సభను నిరవధికంగా వాయిదా వేయాలని మొదటి ప్రభుత్వం భావించినట్టు తెలిసింది. అయితే 28న అమావాస్య, 27న చతుర్దశి శుభ దినాలు కాకపోవడంతో 23వ తేదీ దశమి రోజునే బడ్జెట్‌ను ఆమోదించాలని తాజాగా నిర్ణయించినట్టు తెలిసింది. బడ్టెట్ సమావేశాలను 26న ముగించే పక్షంలో ఆ రోజు ఆదివారం అయినప్పటికీ సభ నిర్వహించే అవకాశం ఉందని, అలా కాని పక్షంలో 19వ తేదీన ఆదివారం సభ జరిగే అవకాశం ఉందని తెలిసింది. ఇలా ఉండగా బడ్జెట్ సమావేశాల సందర్భంగా గవర్నర్ చేసే ప్రసంగానికి ఆమోదం తెలపడానికి ఈ నెల 6న మంత్రిమండలి సమావేశం జరిగే అవకాశం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.